Аԥсуа ҩқәа рцәыргақәҵа мҩаԥган жәлар рныҳәа "Мықәашҭа" аҳәаақәа ирҭагӡаны.

Мықә ақыҭан имҩаԥгаз аусмҩаԥгатә апроект "Аԥсуа сезонқәа" ахыркәшаратә етапуп.

Раалыҵ ӡырыргеит Очамчыра, Аҟәа, Гәдоуҭа, Пицунда рҟынтәи аҩыҟаҵарҭақәа, асасцәа ирзеиҭаҳәан аԥсуа ҩыҟаҵара атрадициақәа ҳәа Sputnik иазеиҭалҳәеит апроект анапхгаҩы Илона Елерџьиаԥҳа.

Аԥсны жәлар Рџьынџьтәылатә еибашьраҟны игаз Аиааира амшныҳәа азгәаҭара аҳәаақәа ирҭагӡаны, иара убасгьы имҩаԥысит аҽтәы-спорттә еицлабрақәеи аконцерти.

Апроект "Аԥсуа сезонқәа" нагӡоуп Урыстәыла ахада игрантқәа рфонд ацхыраарала. Аҩқәа рцәыргақәҵа аиҿкаараҿы ацхыраара ҟанаҵеит Очамчыра араион анапхгара.