Џьуартәи аӡеизакырҭаҿы аӡы аҩаӡара цәыббрамза анҵәамҭазы 509 метра иҟоуп ҳәа иҳәеит Бадра Гәынба Аԥсны ахада иҟны иҟоу аполитикатә партиақәеи ауаажәларратә еиҿкаарақәеи Рабжьгаратә хеилак аҟны.

Аҳәынҭқарра ахада иазгәеиҭеит, афымцалашара азымхара атәылаҿы ишьақәгылоижьҭеи жәашықәса шҵуа, абжьааԥны алашара аамҭа-аамҭалатәи арцәарақәа жьҭаарамза инаркны ишалаго.

Аизымхара азеиԥш мҽхакы 600 млн кВт·с ыҟоуп, уи 3 млрд мааҭ рҟынӡа инаӡоит уҳәар алшоит. Убри аан ҵыԥх алашаразы аизгара иартәеит 1,8 млрд.

Гәынба иазгәеиҭеит аизгара аизҳара — ҵыԥх уи 41% иҟазар, сынтәатәи 9 мзы реихшьаалақәа рыла 54% рҟынӡа инаӡеит.

"Ҳтәылауаа аԥара шшәатәу еилкааны иазнеиуеит. Иҟалаз уи ауп, 2024 шықәсазы иҳамаз афымцамч азымхара ҳазыхынҳәыр ҳалшоит, 10-12 сааҭ афымцамч анҳамамыз. Ари афымцамч аахәаразы аресурсқәа, афинанстә хархәагақәа аныҟамыз. Убри аҟнытә акомплекстә усура мҩаԥаагоит, аизгара мацара акәӡам, аиҷаҳара ҳҽазаҳшәоит", — ҳәа азгәеиҭеит аҳәынҭқарра ахада.