Аиааира амшныҳәа аламҭалаз ашколхәыҷқәа злахәу атеатралтә-кәашаратә флешмоб "Ԥсыуала" мҩаԥгахоит Ахақәиҭра ашҭаҿы, абри атәы арадио Sputnik аҟны еиҭеиҳәеит апроект арежиссиор Гәдиса Ҭодуа.

Аҽазыҟаҵарақәа мҩаԥысуеижьҭеи ҩымз ҵуеит, акәашарақәа ықәлыргылеит Аԥсны зҽаԥсазтәыз артистка Анжела Дбар.

Ҭодуа иажәақәа рыла, х-кәашарак ықәыргылоуп.

"Хыԥхьаӡарала ашколхәыҷқәа 413-ҩык ыҟоуп. Акәашарақәа рнаҩс, иқәгылоит адауласҩцәа 30-ҩык, ачамгәыр азырҳәо аҭыԥҳацәа 30-ҩык, иара убас атеатртә қәгыларақәа алагалоуп", — ҳәа азгәеиҭеит апроект арежиссиор.

Инеиҵыху аиҿцәажәара шәазыӡырҩыр ҟалоит Sputnik асаит аҟны.
#social