Ԥсҳәы-Гәымсҭатәи аҳәырԥсарра аҵакыраҟны адомбеиқәа рааӡара иалагеит.

Аԥснытәи абнақәа ирылаз ашәарах хкқәа реиҭарҿиаразы апроект хацыркуп ареспубликаҟны.

Аекологиазы аҳәынҭеилакы ахантәаҩы Савели Ҷыҭанаа иажәақәа рыла, апроект нагӡахоит Урыстәыла аекологиеи аԥсабареи рминистрреи дареи русеицура иабзоураны. Амҩатә хсаала шьақәырӷәӷәоуп, ҳазҭоу ашықәс анҵәамҭанӡа Ԥсҳәы-Гәымсҭатәи аҳәырԥсарра аҵакырахь иааргоит даҽа ҩба-хԥа хкы иҳәеит иара Аԥсуа телехәаԥшра аинтервиу анеиҭоз.

Ҷыҭанаа иазгәеиҭеит аҳәырԥсарра аҵакыраҟны ашәарыцара шыҟамло.

🖇 Шықәсқәак раԥхьа Жәлар Реизара адепутат Резо Занҭариа иӡбеит Ԥсҳәы-Гәымсҭатәи аҳәырԥсарра аҵакыраҟны ианыӡааз ашәарах реиҭарҿиара. Ростовтәии Кавказтәи аҳәырԥсаррақәа рҟынтәи абынҽацәқәа ааганы ианиҵеит.