"Что мне за это будет?" захьӡу зметр дуу асахьаркыратә фильм аҭыхрақәа мҩаԥысуеит Аԥсны, абри атәы арадио Sputnik иазеиҭеиҳәеит афильм арежиссиор, асценарист Наур Гармелиа.

Гармелиа иажәақәа рыла, афильм аҿы ихәмаруеит аԥсуа актиорцәа реиԥш, урыстәылатәиқәагьы. Ароль хада назыгӡо лакәзар, зынӡа дқәыԥшуп — 14 шықәса роуп илхыҵуа. Арежиссиор излазгәаиҭаз ала, афильм аҵакы аҿар ирзааигәоуп, ахәаԥшра иаднаԥхьалапҳәагьы дгәыӷуеит.

"Асиужет зегьы Аԥсны имҩаԥысуеит. Ароль хадақәа назыгӡо, шамахамзар раԥхьаӡакәны зыҽҭызуа роуп. Урыстәылантәи афильм иалахәу ракәзар — аԥышәа змоу, зныкымкәа афильмқәа рҿы аҭыхрақәа ирылахәхахьоу роуп", — иҳәеит иара.

Афильм аҭыхра даҽа шықәсык аҟынӡа аамҭа аҭаххоит, анаҩс, заанаҵтәи азԥхьагәаҭақәа рыла аӡыргара Аԥсны аиҿкаара ргәы иҭоуп.

Инеиҵыху аиҿцәажәара шәазыӡырҩыр ҟалоит абра.
#social