Москва еиԥш иҟоу акультуратә центр ду аҟны ацәыргақәҵа анымҩаԥуго зыбла даара иҵару ауаа шнанаго удыруеит, уи сара ԥышәарак еиԥш исыдыскылоит ҳәа арадио Sputnik аҟны иҳәеит Москва Асахьаҭыхратә академиаҿы хаҭалатәи зцәыргақәҵа мҩаԥысуа Нугзар Логәуа.

Ацәыргақәҵа еиднакылеит хыԥхьаӡара рацәала аҭааҩцәа, астудентцәа, аԥсуа диаспора ахаҭарнакцәа, аҵарауаа, аҟаза иусумҭақәа аинтерес зызцәырнаго зегьы.

Аԥсны Жәлар рсахьаҭыхҩы иажәақәа рыла, аекспозица еиднакылаз аусумҭақәа рҟынтәи 5 — аԥсуа хәаԥшҩы макьана иимбацыз роуп.

Ацәыргақәҵа аиҿкаара хаҭала дадгылеит Аԥсны ахада Бадра Гәынба.

Ацәыргақәҵа Москватәи Асахьаҭыхратә академиаҿы иаартызаауеит жьҭаара 18-нӡа, анаҩс уи ииагахоит Росстат ахыбрахь — афранцыз архитектор, амодернист Ле Карбиузие иргылаз Урыстәыла аҳәынҭқарратә статистика Афедералтә маҵзура зыҩноу ахыбрахь. Уаҟа ацәыргақәҵа аартуп жьҭаара 30 рҟынӡа.

Инеиҵыху аиҿцәажәара шәахәаԥшыр ҟалоит абра.
#social