Пицунда-мысратәи аҳәырԥсарра аԥҵоижьҭеи 140 шықәса аҵра азгәарҭеит ҳәа Sputnik иазеиҭалҳәеит аҳәырԥсарра адиректор Сабина Лобода.
Аныҳәатә еко-рккаратә усмҩаԥгатә рхы аладырхәит аԥснытәии урыстәылатәии аҵарауаа, ААУ астудентцәа, аҳәырԥсарра аилыргараан амзаҵлақәа адырга рыҭараҿ ацхыраара ҟазҵо аҿар.
"Аиҳарак ари аусмҩаԥгатә ахәыҷқәа рзы еиҿкаан. Аҳәырԥсарра адыргаҷыдақәеи ашәҟәыҟаԥшьтә ҵиаақәа рсахьеи зну аџьшьаратә шәҟәқәеи агәаларшәагатә ҳамҭақәеи ранаҳшьеит", — ҳәа азгәалҭеит лара.
Аныҳәа аҳәаақәа ирҭагӡаны имҩаԥысит аинтерактивқәа жәпакы, еиҿкаан арҿиаратә мастер-классқәа, аҳәырԥсарра аҵакыраҿы иҭыхыз архивтәи ҳаамҭазтәи афотосахьақәа рцәыргақәҵа.
Аусмҩаԥгатә аиҿкаареи амҩаԥгареи рҿы афинанстә цхыраара ҟарҵеит Пицундатәи амеценатцәеи анаплакҩыцәеи.
Post #21454
33