👨‍👩‍👧 Жашы жете электердин чет өлкөгө чыгышын жөнгө салган мыйзам долбоору четке кагылды



Жогорку Кеңештин тиешелүү комитети жашы жете элек балдардын чет өлкөгө чыгуусун жөнөкөйлөтүүгө багытталган мыйзам долбоорун четке какты.

Долбоордо айрым учурларда баланы экинчи ата-эненин нотариалдык макулдугусуз убактылуу чет өлкөгө чыгарууга уруксат берүү сунушталган. Мисалы:

🔹 дарылануу үчүн;
🔹 мектеп олимпиадаларына;
🔹 спорттук, маданий жана билим берүү иш-чараларына катышуу үчүн.

Мындай учурда ата-энелердин биринин нотариалдык макулдугу жана баланы коштоп бара жаткан адамдын аны белгиленген мөөнөттө Кыргызстанга кайтаруу милдеттенмеси талап кылынмак.

⏳ Ошондой эле экинчи ата-эне баланы багуудан качкан учурда баланы 3 айга чейин чет өлкөгө чыгаруу мүмкүнчүлүгү каралган.

⚖️ Депутаттар мыйзам долбоорунда техникалык каталар жана так эмес нормалар бар экенин белгилешти. Атап айтканда, баланы өз убагында кайтарбаган адамдардын жоопкерчилиги так жазылган эмес.

Мындан тышкары, баланын чет өлкөгө чыгууда пикирин эске алуу боюнча 10 жана 14 жаш деген эки башка ченем көрсөтүлгөнү айтылды.

Комитеттин мүчөлөрү документти сын-пикирлерди эске алуу менен кайра иштеп чыгууну Юстиция министрлигине сунушташты.



@kgosho Билип жаша!