🏗️ Кыргызстанда ири инвесторлорго мамлекеттик жерди пайдалануу укугун күрөөгө коюуга уруксат берүү сунушталды



Кыргызстанда ири инвесторлорго мамлекеттик жана муниципалдык жерлерди ижарага алуу укугун кредит алуу үчүн күрөөгө коюуга уруксат берүү сунушталууда. Тиешелүү токтомдун долбоору коомдук талкууга чыгарылды.

📌 Кеп жердин өзүн күрөөгө коюу же жеке менчикке өткөрүү тууралуу эмес. Күрөөнүн предмети — жер тилкесин убактылуу пайдалануу укугу гана болот.

Механизм өкмөт менен түз сүйлөшүү аркылуу түзүлгөн инвестициялык келишимдердин алкагында берилген жерлерге гана колдонулмакчы. Мында инвестициянын көлөмү кеминде 5 млрд сом болушу талап кылынат.

💰 Демилге ири долбоорлорду ишке ашыруу үчүн инвесторлорго банк жана башка каржы уюмдарынан кошумча каражат тартууга мүмкүнчүлүк берүүгө багытталган.

Ошол эле учурда жердин мамлекеттик же муниципалдык менчик макамы сакталат, ал эми инвестор ижара акысын жана башка милдеттүү төлөмдөрдү төлөөнү улантат.

📄 Долбоордо күрөөгө коюуга мүмкүн болгон жерлердин категориялары, инвесторго жана кредит берүүчү тарапка коюлган талаптар, күрөөнүн мөөнөтү жана карыз өндүрүү тартиби да каралган.

Белгилей кетсек, бул маселе кыргыз-орус өкмөттөр аралык комиссиясынын алкагында да талкууланып, инвесторлорго жерди ижарага алуу укугун каржы уюмдарына күрөөгө коюуга мыйзамдык мүмкүнчүлүк түзүү боюнча макулдашуу болгон.



@kgosho Билип жаша!