🛂 Кыргызстанда качкын статусун берүү эрежелерин өзгөртүү сунушталды



Кыргызстанда качкын деп таануу тууралуу арыздарды каттоо тартибин өзгөртүү сунушталууда. Тиешелүү мыйзам долбоорун Эмгек, социалдык камсыздоо жана миграция министрлиги даярдады.

📌 Арызды каттоодон баш тартууга төмөнкү учурларда жол берилет:
🔹 адамга мурда качкын статусун берүүдөн баш тартылып, жаңы жагдайлар пайда болбосо;
🔹 Кыргызстанда оор кылмыш үчүн соттолгон болсо;
🔹 мурда качкын статусун алып, өз каалоосу менен мекенине кайтып кеткен же үчүнчү өлкөгө туруктуу жашоого кеткен болсо;
🔹 Кыргызстанга келгенге чейин башка мамлекетте саясий эмес мүнөздөгү оор кылмыш жасаган деп эсептөөгө олуттуу негиз болсо.

📊 Министрликтин маалыматына караганда, 2022-жылдан 2026-жылдын биринчи жарымына чейин мурда баш тартылган адамдардан кайрадан болжол менен 160 арыз түшкөн.

⏳ Долбоор боюнча башпаанек издеген адамдын арызы 14 жумушчу күндүн ичинде катталышы керек.

👨‍👩‍👧‍👦 Ошондой эле үй-бүлөнүн ар бир мүчөсүнө, жашына карабастан, өзүнчө качкын күбөлүгүн берүү сунушталууда.

⚠️ Күбөлүктүн мөөнөтү бүткөндөн кийин адам 1 жыл ичинде аны узартуу үчүн кайрылбаса, качкын статусун жокко чыгаруу каралууда.

🇰🇬 2025-жылдагы маалымат боюнча, Кыргызстанда башка өлкөлөрдөн келген 164 адам качкын статусуна ээ.


@kgosho Билип жаша!