🎖️ Кыргызстанда аскердик каттоо жана чакырылуучулардын медкароосу «Аскер» системасына өткөрүлөт



Министрлер кабинети аскерге чакырууну уюштуруу жана чакырылуучуларды медициналык кароодон өткөрүү тартибине өзгөртүүлөрдү киргизди.

📲 Мындан ары аскердик каттоонун жана медициналык кароонун негизги этаптары «Аскер» электрондук системасы аркылуу жүргүзүлөт. Аскер комиссариатына чакыруу билдирүүлөрү «Түндүк» тиркемеси, push-билдирүү же SMS аркылуу жөнөтүлүшү мүмкүн.

📅 15-ноябрга чейин мамлекеттик органдар аскердик каттоого биринчи жолу турушу керек болгон жарандар тууралуу маалыматтарды «Аскер» системасына өткөрүшү зарыл.

🏥 Аскер комиссариаттары электрондук система аркылуу жарандардын психиатриялык жана наркологиялык каттоосу, майыптыгы, медициналык карталарынан көчүрмөлөрү, катталган дареги жана билими тууралуу маалыматтарды ала алышат.

🩺 Медициналык кароонун жыйынтыктары жана аскердик-медициналык комиссиялардын корутундулары электрондук түрдө, электрондук кол тамга менен таризделет.

📱 Аскердик каттоого турганы тууралуу маалымат жана аскердик билет «Түндүк» тиркемесиндеги жеке кабинетте жеткиликтүү болот. Каалаган жаран документтерди кагаз түрүндө да ала алат.

ℹ️ Ошондой эле чакырылуучулардын ден соолугуна коюлган талаптар жаңыртылды. Анын ичинде очоктук алопеция жана очоктук витилиго «ЧД-5» жарактуулук категориясына киргизилди.



@kgosho Билип жаша!