🗳️ Садыр Жапаров талапкерлерди үгүттөгөн чиновниктерди кызматтан бошотууну тапшырды



Президент Садыр Жапаров 2027-жылдын 27-январына белгиленген президенттик шайлоону эркин жана ачык өткөрүүнү камсыз кылуу боюнча жарлыкка кол койду.

📌 Документке ылайык, мугалимдерди, окуучуларды, окутуучуларды, студенттерди, медицина жана социалдык кызматкерлерди, ошондой эле мамлекеттик жана муниципалдык мекемелердин кызматкерлерин талапкерлердин пайдасына үгүт иштерине тартууга тыюу салынат.

⚠️ Министрлер кабинетине талапкерлерди мыйзамсыз үгүттөгөн же кызматтык абалын талапкердин пайдасына пайдаланган кызмат адамдарына тартиптик жаза колдонууну камсыз кылуу тапшырылды. Зарыл болгон учурда мындай жетекчилер жана кызматкерлер кызматтан бошотулушу мүмкүн.

🏛️ Жарлык мамлекеттик жана муниципалдык органдардын шайлоо процессине кийлигишүүсүнө жана административдик ресурсту пайдаланууга жол бербөөгө багытталган.

👀 Ошондой эле мыйзамга ылайык эл аралык байкоочулардын катышуусу каралган. БШКга мыйзамдарды бирдей колдонуу жана жарандарга маалымат берүү боюнча кошумча чараларды көрүү сунушталды.



@kgosho Билип жаша!