🏠 Жогорку Кеңеш кыймылсыз мүлккө өзүнө өзү тыюу салуу механизмин колдоду



Жогорку Кеңеш «Кыймылсыз мүлккө укуктарды жана аны менен болгон бүтүмдөрдү мамлекеттик каттоо жөнүндө» мыйзамга өзгөртүүлөрдү биринчи окууда жактырды.

📌 Депутат Дастан Бекешевдин айтымында, мүлккө байланышкан алдамчылык фактылары көбөйүүдө. Ошондуктан жарандарга өзүнүн кыймылсыз мүлкүн сатууга же кайра каттоого өз ыктыяры менен убактылуу тыюу салуу укугун берүү сунушталууда.

⏳ Башында тыюу салуу мөөнөтү 24 саат деп сунушталган. Министрлер кабинети аны 72 саатка чейин узартууну сунуштады. Бул убакытта жаран чечимин кайра карап чыгууга мүмкүнчүлүк алат.

🔐 Механизм кредит алууга коюлган «өзүнө өзү тыюу салууга» окшош болот. Депутаттын айтымында, бул чара өзгөчө улгайган адамдарды алдамчылыктан коргоого багытталган.

👩‍❤️‍👨 Эгер үй-бүлө мүлктү биргелешип тапкан болсо, өзүнө өзү тыюу салуу үчүн эки жубайдын тең макулдугу талап кылынат.


@kgosho Билип жаша!