Дуслар! Гамәли семиотика институты сөйләм технологияләренә бәйле яңа проектта катнаша.

Әлеге күптелле проектның максаты - тавыш белән идарә ителә торган системалар (роботлар, акыллы системалар, әйберләр интернеты һ.б.) өчен татар, төрек, казах, үзбәк, инглиз һәм рус телен таный торган модельләр ясау. Шуның өчен татар телендә сөйләм командалары җыелмасын тупларга кирәк.

Бу эштә безгә "Татар тавышы" исемле сезгә инде таныш булган бот ярдәм итәчәк. Үз өлешегезне кертәсегез килсә, тәкъдим ителгән 35 сүзне укырга кирәк, бу 10 минут тирәсе генә вакытыгызны алачак.

✅ Ботка күчеп, /start басыгыз
✅ Тәкъдим ителгән командаларны укыгыз
✅ Ашыкмыйча укырга тырышыгыз, яздыру төймәсенә баскач, берәр секунд көтеп торыгыз, "команда" сүзен әйткәч тә, кечкенә генә пауза ясагыз
✅ Гадәти тыныч интонация белән укыгыз
✅ Яздырганда чит тавышлар ишетелмәсен иде
✅ Яздырылганны тыңлап карагыз. Дөрес яздырылмаганны яңадан яздырып була.

35 сөйләм командасы яздырылып беткәч, ботта гадәттәгечә эшне дәвам итеп, җөмләләр яздыра аласыз. Алар безгә һаман да кирәк әле.😉

Сораулар яки тәкъдимнәрегез булса, институт каналына языгыз.