Халыкара мобиль телефонны кулланмау көне ел саен 6 февраль билгеләнә. 2001 елда француз язучысы һәм журналисты Фил Марсо (Phil Marso) тәкъдим иткән. Гадәттә 6 февральдән 8 февральгә кадәр дәвам итә.
Бу көн "номофобия"не киметү (nomophobia — no-mobile-phone phobia — мобиль телефонсыз калудан курку) һәм технологияләргә карата сәламәт мөнәсәбәт булдыруга юнәлдерелгән диелә.
📵 Смартфоннарны артык күп куллану, аларга бәйлелекне, стрессны киметү, психик сәламәтлекне кайгырту максатыннан бу көнне телефонны сүндереп торырга тәкъдим ителә.
🏕🚶♂️Альтернатива буларак, технологияләр куллануны таләп итмәгән эшләр белән шөгыльләнергә, мәсәлән, китап укырга, җәяү йөрергә, хуҗалык эшләрен эшләргә, өстәл уеннары уйнарга, вакытны дуслар, якыннар белән үткәрергә киңәш ителә.
📱 Сүз дә юк, бүген тормышны смартфонсыз күз алдына китереп булмый. Ул тормышыбызны җайлырак, иминрәк итә. Шул ук вакытта, аны даими куллану социаль изоляция, игътибар кимүгә китерә ди белгечләр. Вакыт-вакыт телефоннан арынып тору психик иминлек өчен бик файдалы ди алар.
👨⚕️ Ә сез килешәсезме? Кызык өчен, телефоныгызга кереп карагыз әле, тәүлегенә ничә сәгать кулланасыз икән? Фикерегезне комментта языгыз.
#фәнни_календарь #телефонсыз_көн
TatSoft | @ipsanrt