Бүген 15 декабрь — Бөтендөнья төрки телләр көне!

🍀 Беренче тапкыр билгеләнә

Дөньяда Төрки телләр көнен билгеләү турында карар ЮНЕСКО оешмасының быел Сәмәрканд шәһәрендә узган 43нче конференциясендә кабул ителде. Карарны оешмага кергән 26 дәүләт хуплады.

🗓 Ни өчен 15 декабрь?

1893 елның 15 декабрендә Дания галиме Вильгельм Томсен (1842-1927) Орхон язмаларын укып чыгуы (дешифровка) турында игълан итә. Бу язмалар төрки телләрнең килеп чыгышын раслаучы иң борынгы истәлекләрнең берсе санала.

🔤 Төрки телләр турында берничә факт

🔹 Дөньяда 35–40 төрки тел бар дип санала
🔹 Алар Европадан алып Себер һәм Көнбатыш Кытайга кадәр таралган
🔹 Бу телләрдә якынча 170–200 миллион кеше сөйләшә

👥 Төп төркемнәр

▪ Огуз төркеме: төрек, азәрбайҗан, төрекмән, гагауз
▪ Кыпчак төркеме: татар, башкорт, казакъ, кыргыз
▪ Карлук төркеме: үзбәк, уйгыр
▪ Себер төркеме: якут (саха), тува, хакас
▪ Болгар төркеме: чуаш

⚛ Төрки телләрне өйрәнү

Төрки телләрне өйрәнү юнәлешендә эшләр Гамәли семиотика институтында да алып барыла:

🔹 Төрки Морфема порталы төзелде
🔹 төрки телләр арасында тәрҗемә системалары эшләнә
🔹 Институт галимнәре TurkLang халыкара конференцияләрендә актив катнаша. 2015, 2017 һәм 2024 елларда әлеге конференция Казанда үткәрелде.

🙋‍♂️ Ә сез нинди төрки телләр беләсез яисә өйрәнергә теләр идегез?

#төрки_телләр

TatSoft | @ipsanrt