Ярыш татар телен һәм мәдәниятен үстерү юнәлешендә инновацион IT-проектлар булдыруны максат итеп куя. Анда мәктәп укучылары (7–11 сыйныф), югары уку йортлары һәм көллият студентлары (1–5 курс) катнаша.
Чараны Татарстан рәисе ярдәмчесе, Алдынгылар хәрәкәтенең республика бүлеге җитәкчесе Тимур Сөләйманов, ТР дәүләт идарәсен цифрлаштыру, мәгълүмати технологияләр һәм элемтә министры Айрат Хәйруллин, ТР Фәннәр академиясе президенты Рифкат Миңнеханов ачып җибәрде.
Белешмә. Бохараев исемендәге Tatar.Бу Хакатоны инде алтынчы ел рәттән сәләтле балаларны һәм яшьләрне бергә туплап, аларга IT өлкәсендә үсү, татар теленә һәм мәдәниятенә багышланган проектларны тормышка ашыру өчен шартлар тудыра. Шушы вакыт эчендә 125 проект эшләнде, аларда 500дән артык мәктәп укучысы һәм студент катнашты.
Быелгы ярышта 27 такым катнаша — өлкән лигада 20, кече лигада 7 такым. Казан, Әлмәт, Чаллы, Иннополис, Уфа, Мәскәү һәм Петербурдан барлыгы 202 гариза килде, шулардан 104 катнашучы сайлап алынды.
Хакатон өч төп юнәлешкә багышланган проектлар эшләүне күздә тота:
✅ Геймификация һәм иммерсив укыту
✅ Заманча белем бирү платформалары
✅ Ясалма интеллектка нигезләнгән контент тудыру әсбаплары
Чара Kazan Digital Week халыкара форумы алдыннан Kazan Digital Legends хакатоннар марафоны кысаларында уза.
Оештыручылар: ТР Фәннәр академиясе, «Сәләт» фонды һәм яшьләр үзәге, КФУның Филология һәм мәдәниятара багланышлар институты, ТР хөкүмәте да ярдәм күрсәтә.
Ярыш 14 сентябрьгә кадәр дәвам итә, ул көнне проектларны яклау финалы һәм җиңүчеләрне бүләкләү булачак.
✳️ Бүләкләү фонды — 600 000 ₽. Җиңүчеләр ТР Фәннәр академиясенең Гамәли семиотика институтында стажировка уза алачак.
Чараның төп максатларының берсе — күренекле галим Рәис Бохараевны искә алу.
Белешмә. Рәис Бохараев (1929-2009) — информатика һәм исәпләү техникасы, кибернетика, ясалма интеллект өлкәсен үстерүгә, татар теленә ярдәм технологияләрен эшләүгә һәм яшьләр арасында бу фәнни өлкәләр турында белем таратуга зур өлеш керткән галим. Техник һәм физика-математика фәннәре докторы, Казан университеты профессоры, Ясалма интеллект лабораториясенең фәнни җитәкчесе. ТР Фәннәр академиясенең Гамәли семиотика институтында шул лабораториядән үсеп чыкты.
#хакатон #татар_бу_хакатон
TatSoft | @ipsanrt