ТР Фәннәр академиясенең Гамәли семиотика институты хезмәткәре Николай Прокопьев Россиядә фән көне алдыннан оештырылган «Яшь галимнәр – илдәге фәнни-технологик үсешнең булачак нигезе» дип аталган матбугат конференциясендә катнашты.
Биредә студент һәм яшь галимнәрнең заманча фәнни-технологик таләпләргә әзерлеге, фәнни мәктәпләрдәге буыннар бәйләнеше, яшь галимнәр тарафыннан үткәрелә торган тикшеренүләрнең актуальлеге мәсьәләләре күтәрелде. Шулай ук яшь галимнәргә дәүләт тарафыннан күрсәтелә торган төрле юнәлешле ярдәмгә дә тукталдылар.