ТР Фәннәр академиясенең Гамәли семиотика институты хезмәткәрләре көче белән ясалган ТatSoft тавышлы тәрҗемә кушымтасы «Миллиард.Татар» оештырган бәйгедә 2024 елның иң яхшы татар IT-проекты дип танылды.

Кушымтада кулланыла торган нейрочелтәр 500 сәгатьтән артык күләмдәге уникаль сөйләм датасетында өйрәтелгән, анда төрле яшьтәге һәм төрле диалектларда сөйләүче спикерлар — ир-ат, хатын-кыз һәм балаларның 1000нән артык тавыш үрнәге тупланган. Бу татар сөйләмен 92% төгәллек белән танырга мөмкинлек бирә.

Безнең проект өчен тавыш биргән һәр дустыбызга рәхмәтебезне белдерәбез! Без — бердәм, без — көчле! Туган телебезгә рәхмәтле!

Алга таба да бергә булыйк!