တနင်္သာရီတိုင်းဒေသကြီးအစိုးရအဖွဲ့ဝင် လူမှုရေးရာဝန်ကြီးဦးသက်နိုင် အခြေခံပညာ ကျောင်းပေါင်းစုံ ဘောလုံးပြိုင်ပွဲဗိုလ်လုပွဲနှင့် ဆုချီးမြှင့်ပွဲ အခမ်းအနားသို့တက်ရောက်

ထားဝယ်  အောက်တိုဘာ  ၅

၂၀၂၆-၂ဝ၂၇ ပညာသင်နှစ်ထားဝယ်မြို့နယ်၊ မြို့နယ်ပညာရေးမှူးဖလား အသက်(၁၄)နှစ်အောက် (အမျိုးသား၊ အမျိုးသမီး) အခြေခံပညာကျောင်းပေါင်းစုံ ဘောလုံးပြိုင်ပွဲဗိုလ်လုပွဲနှင့် ဆုချီးမြှင့်ပွဲအခမ်းအနားကိုယနေ့ညနေပိုင်းက ထားဝယ်မြို့၊ ရွှေဝယ်သီရိအားကစားကွင်း၌ ကျင်းပရာတိုင်းဒေသကြီး အစိုးရအဖွဲ့ဝင် လူမှုရေးရာဝန်ကြီးဦးသက်နိုင်တက်ရောက်ကြည့်ရှု အားပေးသည်။

ဦးစွာ ဗိုလ်လုပွဲသို့တက်ရောက်လာသည့် အမျိုးသားအမှတ်(၅)အခြေခံပညာအထက်တန်းကျောင်းအသင်းနှင့် အမှတ်(၇) အခြေခံပညာအထက်တန်းကျောင်းအသင်းတို့၏ ယှဉ်ပြိုင်ကစားနေမှုကို တိုင်းဒေသကြီးအစိုးရအဖွဲ့ဝင်လူမှုရေးရာဝန်ကြီး ဦးသက်နိုင်၊ ဌာနဆိုင်ရာတာဝန်ရှိသူများနှင့်အားကစား ဝါသနာရှင်များက ကြည့်ရှုအားပေးရာ (၁)ဂိုး(၁)ဂိုး စီဖြင့်သရေကျနေသည့်အတွက် ပယ်နယ်တီဖြင့် ဆုံးဖြတ်ရာအမှတ်(၅) အခြေခံပညာအထက်တန်းကျောင်းအသင်းက အနိုင်ရရှိသည်။

ထို့နောက် ဆုချီးမြှင့်ခြင်းအခမ်းအနားကို ဆက်လက်ကျင်းပရာထားဝယ်မြို့နယ်ပညာရေးမှူးဒေါ်စိုးစိုးနွယ်က ပွဲစဉ်တစ်လျှောက် ကူညီဆောင်ရွက်ပေးသော ကြက်ခြေနီအသင်းအားဂုဏ်ပြုဆုချီးမြှင့်ပြီး တာဝန်ရှိသူများက ပွဲစဉ်တစ်လျှောက်အကောင်းဆုံး (ဂိုးသမား၊ အနောက်တန်း၊ အလယ်တန်း၊ အရှေ့တန်းနှင့် အကောင်းဆုံးကစားသမား) ဆုရရှိသူများကို တစ်ဦးချင်းဆုနှင့်ငွေသားဆုများ ပေးအပ် ချီးမြှင့်ပြီး အမျိုးသမီးဘောလုံးပြိုင်ပွဲတွင် ဒုတိယဆုရရှိသည့်အမှတ်(၄)အခြေခံပညာအထက်တန်းကျောင်းအသင်းနှင့်ပထမဆုရရှိသည့်အမှတ်(၅)အခြေခံပညာအထက်တန်းကျောင်းအသင်းအားလည်းကောင်း၊ အမျိုးသားဘောလုံးပြိုင်ပွဲတွင် ဒုတိယဆုရရှိသည့်အမှတ်(၇) အခြေခံပညာအထက်တန်းကျောင်းအသင်းနှင့်ပထမ ဆုရရှိသည့် အမှတ်(၅)အခြေခံပညာ အထက်တန်းကျောင်းအသင်းအားလည်းကောင်းတစ်ဦးချင်းဆုနှင့်ငွေသားဆုများ အသီးသီးပေးအပ်ချီးမြှင့်သည်။

ဆက်လက်၍ တိုင်းဒေသကြီးပညာရေးညွှန်ကြားရေးမှူး ဦးဝင်းနောင်က အမျိုးသမီးဘောလုံးပြိုင်ပွဲတွင် ပထမဆုရရှိသည့် အမှတ်(၅) အခြေခံပညာအထက်တန်းကျောင်းအသင်းအား တံခွန်စိုက်ဆုဖလား ပေးအပ်ချီးမြှင့်ပြီး တိုင်းဒေသကြီးအစိုးရအဖွဲ့ဝင် လူမှုရေးရာဝန်ကြီးဦးသက်နိုင်က အမျိုးသားဘောလုံးပြိုင်ပွဲတွင် ပထမဆုရရှိသည့် အမှတ်(၅) အခြေခံပညာအထက်တန်းကျောင်းအသင်းအား တံခွန်စိုက်ဆုဖလားပေးအပ်ချီးမြှင့်ခဲ့ကြောင်း သိရသည်။

တိုင်းဒေသကြီး(ပြန်/ဆက်)

https://t.me/iprdrnd/210744

MOI News Application အား အောက်ပါ link တွင် Download ပြုလုပ်နိုင်ပါသည်-

For Andriod
https://shorturl.at/uK23k

For IOS
https://rb.gy/vgdhqc

Subscribe to Myanmar Newspaper
https://t.me/myanmarnewspaper

Subscribe to The Global New Light of Myanmar
https://t.me/gnlmon

Subscribe to MOI
https://t.me/iprdrnd

View to mTube Video Streaming Platform
https://mtube.gov.mm