#ovoz #IntellektualMaruza #Notiqlik

«OVOZ» INTELLEKTUAL MA’RUZALAR LOYIHASIGA TAKLIF QILAMIZ!

🎙 Mustaqil fikrga ega, o‘z g‘oyalarini erkin ifodalashni va omma oldida nutq so‘zlashni istaydigan o‘quvchilarni «OVOZ» intellektual ma’ruzalar loyihasiga taklif qilamiz. Loyiha davomida ishtirokchilar o‘z g‘oyalarini dalillar asosida taqdim etish, auditoriya bilan ishlash va o‘zbek tilida nutq so‘zlash ko‘nikmalarini rivojlantiradilar.

💡 Ma’ruzalar o‘zbek tilida olib boriladi va TED hamda TED-Ed ma’ruzalari formatidan ilhomlangan holda tashkil etiladi. Ishtirokchilar quyidagi yo‘nalishlardan birini tanlashlari mumkin:

➖ «Raqamli kelajak va inson» — IT, sun’iy intellekt etikasi, kiberxavfsizlik, innovatsiyalar.
➖ «Tarix saboqlari va shaxsiyat» — o‘tmish voqealarining bugungi kundagi aks-sadosi.
➖ «Mening qarashim» — subyektivlik, haqiqat, stereotiplar, axloqiy dilemmalar.
➖ «Jamiyat va maktab hayoti» — tengdoshlar munosabati, ta’limdagi muammolar va ularning yechimlari.

⏰ Har bir ma’ruza 3–7 daqiqa davom etadi va aniq g‘oya, shaxsiy tajriba yoki yechim taklifini o‘z ichiga olishi kerak.

🚀 Loyiha notiqlik, tana tili, auditoriya bilan ishlash va tanqidiy fikrlash ko‘nikmalarini rivojlantirishga xizmat qiladi. Eng namunali chiqishlar maktabning rasmiy YouTube, Telegram va boshqa ijtimoiy tarmoq sahifalarida yoritiladi.

🗓 «OVOZ» loyihasi har chorakda bir marta o‘tkaziladi. Ishtirokchilar sessiyadan kamida bir hafta oldin o‘z mavzulari va g‘oyalarini 100–150 so‘zlik qisqa matn hamda video taqdimotini topshiradilar. Saralangan ishtirokchilarga ustozlar biriktiriladi.

⏳ Ro‘yxatdan o‘tishning oxirgi muddati: 17-oktyabr

🔗 Ro‘yxatdan o‘tish: ovoz.prteam.uz

👤admin: @ovozadm1n

🚀OVOZ 🌐 OVOZ