#IJCO #IJCOGF2026 #CyberSecurity #MaktabYutuqlari #STEAM

KIBERXAVFSIZLIK OLIMPIADASIDA KUMUSH MEDAL

🥈 Muhammad al-Xorazmiy nomidagi ixtisoslashtirilgan maktabning 10-03-sinf o‘quvchisi Sidikov Hamidulloh yoshlar o‘rtasida kiberxavfsizlik bo‘yicha bilim va amaliy ko‘nikmalarni sinovdan o‘tkazuvchi International Junior Cybersecurity Olympiad (IJCO) musobaqasida muvaffaqiyatli ishtirok etib, kumush medalni qo‘lga kiritdi. Mazkur natija orqali Hamidulloh ushbu olimpiadaning eng yuqori bosqichi — Global Finalga yo‘llanmani qo‘lga kiritdi.

🌐 Global Final — turli davlatlardan saralangan eng kuchli yosh ishtirokchilar ishtirok etadigan xalqaro bosqich bo‘lib, unda qatnashchilar kiberxavfsizlik sohasidagi bilim va mantiqiy fikrlash qobiliyatlarini amaliy topshiriqlar orqali namoyon etadilar. Musobaqa Capture-the-Flag (CTF) formatida tashkil etiladi. Bu formatda ishtirokchilar turli kiberxavfsizlik vazifalarini bajarib, maxsus bayroqlarni topish orqali ball to‘playdilar.

💫 Sidikov Hamidullohni ushbu munosib natija bilan chin qalbimizdan tabriklaymiz! Uning kiberxavfsizlik sohasidagi izlanishlari, bilim va amaliy ko‘nikmalarini muntazam rivojlantirib borayotgani e’tirofga loyiq. IJCO Global Final bosqichida ham Hamidullohga o‘z bilim va salohiyatini munosib namoyon etib, yuqori natijalarga erishishini tilaymiz.
_
🌐Telegram 🌐Facebook 🌐Instagram 🌐Web 🌐Youtube 🌐Linkedin