#OnaTili #Insho #AdabiyIjodiyTanlov

ONA TILIM — MILLIY G‘URURIM VA IFTIXORIM!

📚 Ko‘hna tarix sahifalaridan so‘z olgan, ajdodlarimizdan bizgacha muqaddas omonat bo‘lib yetib kelgan ona tilimiz — millatimizning ruhi va milliy o‘zligimiz timsolidir. Inson o‘zligini, qalbidagi tuyg‘ularini va Vatanga bo‘lgan mehrini avvalo ona tili orqali ifoda etadi. Tilimizning boyligi va betakrorligini ulug‘lash, yosh avlodning ijodiy salohiyati hamda mustaqil fikrlash qobiliyatini qo‘llab-quvvatlash maqsadida maktabning 9–11-sinf o‘quvchilari o‘rtasida adabiy-ijodiy insholar tanlovi o‘tkaziladi.

✍️ Tanlov ishtirokchilari ona tilining milliy o‘zligimizni anglashdagi o‘rni, uning boyligi va betakrorligi, tilni asrab-avaylash hamda kelajak avlod oldidagi mas’uliyat kabi mavzularni o‘zlarining teran fikrlari, samimiy tuyg‘ulari va ijodiy yondashuvlari orqali yoritishlari mumkin. Ishtirok etishni istagan o‘quvchilar o‘z ijodiy ishlarini ona tili va adabiyot fani o‘qituvchilariga taqdim etishlari mumkin.

🥇 Eng mazmunli, savodli va yorqin ijodiy ishlar hakamlar hay’ati tomonidan saralanadi, g‘oliblar esa munosib taqdirlanadilar. Tilimizni asraylik, qadrlaylik va uni kelajak avlodga munosib yetkazaylik! Barcha ijodkor o‘quvchilarga ilhom, yangi g‘oyalar va zafarlar tilaymiz!
_
🌐Telegram 🌐Facebook 🌐Instagram 🌐Web 🌐Youtube 🌐Linkedin