Tavallud ayyomingiz muborak bo‘lsin, hurmatli Prezident!
Bugun O‘zbekiston Respublikasi Prezidenti Shavkat Mirziyoyev tavallud topgan kun.
Davlatimiz rahbari boshchiligida mamlakatimizda inson qadri, xalq farovonligi va barqaror taraqqiyotga qaratilgan keng ko‘lamli islohotlar amalga oshirilmoqda. Yurtimizning barcha hududlarida ro‘y berayotgan yangilanishlar, tadbirkorlikni qo‘llab-quvvatlash, zamonaviy sanoatni rivojlantirish, yangi ish o‘rinlari yaratish hamda O‘zbekistonning xalqaro nufuzini mustahkamlash yo‘lidagi tashabbuslar xalqimiz hayotida muhim o‘zgarishlarga zamin yaratmoqda.
Davlatimiz rahbari tomonidan belgilab berilgan ustuvor vazifalar sanoat kooperatsiyasi va davlat xaridlari sohasida ham yangicha yondashuvlarni qaror toptirdi. Bugun mahalliy ishlab chiqaruvchilarni qo‘llab-quvvatlash, korxonalar o‘rtasidagi kooperatsiyani kengaytirish, yangi mahsulotlarni o‘zlashtirish hamda davlat xaridlarida ochiqlik va raqobatni kuchaytirishga qaratilgan mexanizmlar izchil rivojlantirilmoqda.
🇺🇿 Sanoat kooperatsiyasi va davlat xaridlari agentligi jamoasi nomidan hurmatli Prezidentimizga mustahkam sog‘lik, uzoq umr, yurtimiz ravnaqi va xalqimiz farovonligi yo‘lidagi mas’uliyatli faoliyatida kuch-g‘ayrat hamda ulkan muvaffaqiyatlar tilaymiz.
Tavallud ayyomingiz muborak bo‘lsin, hurmatli Shavkat Miromonovich!
🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin