Go Nomad

Sahar tongidagi Madina - butunlay o'zgacha.

Atrofni chuqur sukunat qoplaydi, bu sukunat esa insonga boshqacha huzur bag'ishlaydi. Ayniqsa, bomdod namozidan keyin quyoshning asta-sekin chiqishi va undan so'ng Baqi' qabristonini ziyorat qilish... Bularning barchasi qalbga taskin, ruhga esa o'zgacha orom beradi.

Madinada vaqt go'yo sekinroq o'tayotgandek tuyuladi. Inson nafaqat jismonan, balki ma'nan ham dam oladi.

📍Madinah, Prophet's Mosque

SubhanAlloh.

Eng sodda va eng samimiy insonlardan biri - bizning o'zbeklar.

Makka va Madinada yoshi ulug' bir insonni ko'rsam, agar chehrasida bolalarcha samimiyat, soddalik va beg'uborlik bo'lsa, ichimdan: "Bu kishi o'zbek bo'lsa kerak", deb o'ylayman. Qiziq tomoni, ko'p hollarda haqiqatan ham o'zbek bo'lib chiqadi.

Huddi gunoh nimaligini bilmaydigan yosh boladek... Ularning nigohi, tabassumi va muomalasida qandaydir poklik bor. Buni so'z bilan tushuntirish qiyin, lekin Makka va Madinada buni juda ko'p his qilganman.

Juda boshqacha, juda ajiyb, yoshlari katta bo'lsa ham huddi yosh go'dakdek tuyuladi menga.

To'g'ri, hali sayohat orqali daromad qilganim yo'q.

Lekin sayohatlar davomida orttirgan xotiralarim, olgan tajribalarim va dunyoqarashim menga bergan foydani millionlab pul sarflab ham sotib olish qiyin, deb o'ylayman.

Shu paytgacha turli aviakompaniyalar bilan parvoz qilish nasib qildi. Jumladan:

• Centrum Air
• Air Arabia
• flydubai
• Jazeera Airways
• AirAsia
• flynas

Samolyot oynasidan yerga turli vaqtlarda boqishning o'zi alohida bir hissiyot. Tong otishini ham, qoq peshin paytidagi manzaralarni ham, shom kirishini ham, hatto quyoshning chiqishi va botishini minglab metr balandlikdan kuzatish nasib qilgan.

Bularni so'z bilan to'liq tasvirlab berish juda qiyin.

Nasib qilsa, yaqin kunlarda shu mavzuda ham alohida kontent tayyorlayman.

Welcome to Qatar 🇶🇦

Ba’zan hayotda uzilishlar bo’lib qoladi. Lekin hayotning qiyinchiliklariga qaramasdan, to’xtamaganlargina marraga yetib boradi.

Qiyinchiliklar sayohatda ham, ishda ham, shaxsiy hayotda ham bo’ladi. Lekin qanday qiyinchilik bo’lmasin, inson turib bera olishi kerak. Bekorga Qur’onda “Albatta qiyinchilik bilan birga osonlik bor” deb aytilmagan.

Shunday qilib, Qatarga bag’ishlangan kontentlarni joylashni boshlayman. Kuzatishda davom eting.

Bu bizning din, va bizning bayram. 🌙❤️

Umrani tugatganimdan keyin soat minorasida oilaviy aylanayotganimiz esimda. O'shanda Londonlik boshqa bir oilani ko'rib qolganmiz. Soat minorasi ichidagi marketda narxlarni solishtirayotgan ekan - Londondagi narxlar Saudiyadan farq qiladimi deb. Shunchaki "Assalomu alaykum" dedik, shu bitta so'z bilan xuddi yillardan beri tanishdek bo'lib qoldik. Suhbatimiz ancha davom etdi - oila, yashash joyi, kasbi, hayot. Ko'p mavzuda gaplashdik. Ular meni Londonga taklif qildi, men ularni O'zbekistonga.
Tasavvur qiling, hech qanday mansab, irq, rang, tabaqalanish - bulardan birortasi ham gap orasida o'tmadi. Dinimiz bir bo'lgani uchun men uni o'zimdan ustin ko'rdim, u esa meni. Cheksiz hurmat bilan muomala bo'ldi. Bir "Assalomu alaykum" buni qila oladi.

Musulmon qilib yaratgan Robbimizga hamdlar bo'lsin. Kirib kelayotgan Arafa va Eid al-Adha muborak bo'lsin.

P.S: Sochim tagi bilan qirilgani uchun, so'ppini bostirib kiyib olganimga ham yumaloq bo'lib qogan ekanman 😂.

Bilarmidingiz…)

@gonomad_uz

Dunyo aholisining 80% i hech qachon samolyotga chiqmagan. Bu 6.5 milliard odam degani. Har yili atigi 3-5% odam xalqaro parvoz qiladi.

Men buni birinchi marta o'qiganimda biroz to'xtab qoldim. Chunki biz samolyot uchganlar uchun samolyot oddiy narsadek tuyuladi, chipta olasan, aeroportga borasan, uchasаn. Lekin dunyoning aksariyati uchun bu tushuncha umuman boshqa narsa. Ko'pchilik uchun samolyot faqat osmonda ko'rinadigan narsa, xolos. Shaxsan o'zim sayohat qilishni boshlaganimdan keyin ko'p narsaga qarashim o'zgardi. Yangi shahar, yangi madaniyat, yangi odamlar, bularning hammasi seni ichingdan o'zgartiradi. Lekin eng ko'p o'zgartirgan narsa - o'z uyingga qaytganingda qadriga yetishni o'rganishing.

Har bir parvoz. Har bir derazadan ko'rgan manzara. Har bir yangi shaharda bosgan qadam. Bularning barchasi statistik jihatdan kam uchraydigan tajriba ekan.Agar sayohat qilish imkoniyatingiz bo'lsa, qo'yib yubormang.

@gonomad_uz

Qatarga bo'lgan sayohat shunchaki sayohat bo'lmadi, balki bu onam bilan dildan suhbat edi.

Dengiz bo'yida, zamonaviy shahar manzarasi oldida iliq, tavsifalab bo'lmas suhbat qurdik. To'g'risini aytsam, onam bilan bunchalik yaqindan hech qachon gaplashmaganman. Dengiz shamoli, kechki ovozlar, sukunat, bularning hammasi suhbatimizni boshqacha qilib qo'ydi. Tasvirlab berishning iloji yo'q, shunchaki his qilish kerak.

O'sha suhbatda onam aytgan eng ta'sirli gap:
"Agar xorijga ketishdan qo'rqsang, bitta narsani yodingda tut. Qaytish uchun chipta har doim sotiladi. Sen istalgan payt avvalgi hayotingga qayta olasan. Lekin agar urinib ko'rmasang, orzu qilgan hayotingni hech qachon topolmaysan."

Onamning bu gapi menga faqat sayohat haqida emas, balki hayotdagi har bir qaror haqida dars bo'ldi. Qo'rqish tabiiy. Lekin qo'rqib qolib ketish — eng katta yo'qotish.

قُلْ سِيرُوا۟ فِى ٱلْأَرْضِ | Travel throughout the land

@gonomad_uz

Saudiyada bo'lganimda kichik video olgan edim. Bugun tasodifan ko'rib qoldim va undan qisqa bir qismni kesib olib, montaj qildim.

Videoda nega biz shuncha shoshqaloq ekanligimiz haqida gapiribman. Hard work bu atigi bir necha soniya yoki soatlik ish emas. Bu yillar talab qiladigan jarayon. Lekin biz natijani ertaga kutamiz, bugun boshlagan ishimizdan ertaga meva olmoqchi bo'lamiz. Hayot esa bunday ishlamaydi.
Bunga o'z hayotimda ko'p bor yo'liqqanman.

Qonuniyat oddiy, nima osonlik bilan kelgan bo'lsa, shuncha tez ketgan. Nima qiyinchilik bilan erishilgan bo'lsa, ko'p foyda olib kelgan. Hoh ilmda bo'lsin, hoh dunyoviy narsalarda.


Sabr bu shunchaki kutish emas. Sabr bu natija ko'rinmaydigan paytda ham to'xtamaslik.

2026.01.01, Saudiya Arabistoni

Instagramdagi videoni statistikasi bilan bo'lishsam:
• 2,119 ko'rishlar
• 87 Like

Umuman olganda social medialarda hafta ichida unchalik active bo'lmayman, lekin consistency bilan yaxshigina natija qilsa bo'lishiga yana bir bor ishon hosil qildim.