Эстония Россия билан чегара яқинидаги ҳарбий ҳузурини кучайтириб, «фаол мудофаа» стратегиясига ўтмоқда. Financial Times маълумотига кўра, мамлакатнинг асосий жанговар кучларидан бири бўлган 1-пиёда бригадаси Тападан Россия чегарасидан атиги 50 километр узоқликдаги Йыхви шаҳрига доимий равишда кўчирилмоқда. Нарва шаҳрида ҳам 1000 нафаргача ҳарбий хизматчи учун янги база қурилмоқда.
Эстония шу билан бирга узоқ масофага зарба бериш имкониятларини кучайтирмоқда. Мамлакат АҚШнинг HIMARS тизимлари учун 300 километргача учадиган M57 баллистик ракеталари, шунингдек, Жанубий Кореянинг Chunmoo тизимларини харид қилмоқда. Эстония ҳарбийлари Санкт-Петербург чегарага яқин позициялардан тахминан 260 километр узоқликда эканини ҳам таъкидлаган.
@Geointriga_uz