🇺🇸🇬🇧🇮🇷 АҚШ Эрон ҳужуми хавфи сабаб Британиядаги B-1 бомбардимончиларини олиб чиқди — The Wall Street Journal

АҚШ RAF Fairford авиабазасида жойлаштирилган барча B-1 бомбардимончи самолётларини АҚШдаги базаларига қайтарди. The Wall Street Journal маълумотларига кўра, қарор базада АҚШ ҳарбийларига қарши Эрон билан боғлиқ эҳтимолий ҳужум режаси ҳақида хавфсизлик огоҳлантиришлари кучайганидан сўнг қабул қилинган.

RAF Fairford’да тахминан 12 та B-1 самолёти бор эди. Улар Эронга қарши операцияларда, жумладан Эрон ракета объектларига зарбалар беришда қўлланилган. Пентагон самолётлар АҚШга қайтарилганини тасдиқлаган, аммо қарорнинг аниқ разведка сабабларини ошкор қилмаган.

Қарор сентябрь ойи охирида авиабаза яқинида беш нафар Британия фуқароси террорчилик ҳаракатларини тайёрлашда гумон қилиниб қўлга олинганидан бир ҳафта ўтиб қабул қилинди.

@Geointriga_uz