Geointriga.uz

🇺🇸🇮🇷 Time: Сиз дастлаб Эрон билан уруш 6–8 ҳафта давом этишини айтган эдингиз. Ҳозир эса урушнинг еттинчи ойи бошланмоқда. Нега бу қадар кўп вақт кетмоқда?

Трамп: «Фақат мен янада узоқроқ боришни истаганим учун. Мен уларни йўқ қилдим. Ўшандаёқ тўхтатишим мумкин эди, аммо янада давом эттиришни хоҳладим».

@Geointriga_uz

🇺🇸🇺🇦 Трамп: АҚШ Украинага энг кучли ўқ-дориларини бера олмайди, чунки Киевда уларни қўллаш учун зарур самолётлар ва бошқа техника йўқ

АҚШ президенти Дональд Трампнинг Time журналига берган интервьюсидаги бошқа баёнотлари:

▪️ Менинг IQ даражам энг юқори. Энг юқори. Менда ҳаммаси жойида.

▪️ Рекорд даражада паст рейтинг ҳақида: «Бу сохта рақамлар. Бугун сайловда қатнашадиган ҳар қандай номзодни 20 фоизлик фарқ билан мағлуб этган бўлардим. Социологлар коррупциялашган».

▪️ Исроилдаги сайловлар ҳақида: «Одамлар Бибини (Нетаньяху) кўп марта ҳисобдан чиқаришган. Мени ҳам шундай қилишган. Мен Бибини камситмаган бўлардим».

▪️ Маъмурияти аъзоларини президентлик муддати тугамасидан афв этиши мумкинми, деган саволга: «Ҳа, албатта, шундай қилардим. Уйқучан Жо Байден эса ҳаммани бирдек афв этди».

@Geointriga_uz

🇨🇳🇺🇸📰 Хитой хакерлари разведка маълумотларини тўплаш учун ўзларини собиқ америкалик амалдорлар сифатида кўрсатди — Reuters

Proofpoint компанияси маълум қилишича, ҳужумчилар сунъий интеллект соҳасидаги америкалик мутахассислар ва собиқ давлат амалдорлари номидан сохта электрон хатлар юборган. Ҳужумлар сунъий интеллект сиёсати, тартибга солиш ва экспорт назорати билан шуғулланувчи ходимларга қаратилган.

Улар ҳамкорлик қилиш бўйича сохта таклифлар юбориб, хат олувчиларни паролларни ўғирлашга мўлжалланган сайтларга йўналтирган. Ҳужум натижасида 10 нафардан кам одам нишонга олинган.

Proofpoint маълумотларига кўра, операциянинг асосий мақсади технологияларни бевосита ўғирлаш эмас, балки АҚШда сунъий интеллект соҳасидаги сиёсат қандай шаклланаётгани ҳақида разведка маълумотларини тўплаш бўлган кўринади.

@Geointriga_uz

🇷🇺🇪🇺 Захарова: Европа билан уруш «жуда қисқа» бўлади

Россия ТИВ расмий вакили Мария Захарова Европа сиёсатчиларининг Россия билан эҳтимолий қарама-қаршилик ҳақидаги баёнотларига муносабат билдирди.

Унинг сўзларига кўра, Польша ташқи ишлар вазири Сикорский «Россияни ҳарбий мағлубиятга учратишни орзу қилмоқда», Эстония мудофаа вазири эса очиқчасига «олдини олувчи» урушнинг афзалликлари ҳақида гапирмоқда.

Захарованинг таъкидлашича, Россия «ҳар қандай тажовузнинг олдини олиш ва ҳар қандай тажовузкорни мағлуб этиш»га қодир.

«Агар Европа Россияга ҳужум қилса, бу бутунлай бошқа уруш бўлади — у жуда қисқа давом этади», — дея қўшимча қилди у.

@Geointriga_uz

🇷🇺 Россияда 1 октябрдан “Яндекс” курьерлардан 13 фоиз даромад солиғини ушлаб қолишни бошлади

Солиқ даромаднинг барча туридан тўланади, турли бонуслар, чой-чақалар ва ҳоказо.

Маълумот учун, Россияда 1 октябрдан солиқ органлари хорижликларнинг даромади ҳақидаги маълумотларни ИИВга беришни бошлайди. Маълумотлар ҳар 3, 6 ва 12 ой учун тақдим этиб борилади.

2027 йил 1 январдан кучга кирадиган янги қонунга кўра, меҳнат мигрантининг расмий даромади минимал истеъмол харажатларидан кам бўлмаслиги керак. Акс ҳолда у Россияни тарк этиши керак бўлади.

@Geointriga_uz

🇺🇸🇮🇶 Трамп Ироқдан сўнгги АҚШ қўшинлари олиб чиқилганини эълон қилди

«Афғонистондан фарқли ўлароқ, у ерда жуда кўп миқдорда ҳарбий техника ва бошқа барча нарсалар ташлаб кетилган, 13 нафар аскаримиз ҳалок бўлган ва яна кўплаб ҳарбийларимиз оғир яраланган. Коалиция кучлари ва техникасининг Эрбил авиабазасидан тартибли равишда олиб чиқилиши жуда қимматга тушган дўзахли саёҳатнинг тугашини англатади»,

— деб ёзди Трамп ўз ижтимоий тармоғида.

@Geointriga_uz

🇺🇿💰 Ўзбекистоннинг ташқи қарзи 84 миллиард доллардан ошди

Жорий йилнинг биринчи ярим йиллигида Ўзбекистоннинг жами ташқи қарзи 1,9 миллиард долларга ошиб, 84,1 миллиард долларга етди.

Ушбу кўрсаткич бир йил аввалгига нисбатан қарийб 12 миллиард долларга кўпайган. Шундан давлат қарзи 41,7 миллиард доллар, корпоратив қарз эса 42,4 миллиард долларни ташкил этган.

@Geointriga_uz

🇵🇰🏳 Покистон Афғонистоннинг шарқий ва жанубий ҳудудларига зарбалар берди

Зарбалар оқибатида 9 киши ҳалок бўлди.

@Geointriga_uz

🇮🇱 Нетаньяху: Исроил глобал фундаментализмга қарши курашаётган Довуддир

Исроил бош вазири Биньямин Нетаньяху ижтимоий тармоқларда Исроилга қарши тарғибот кучайиб бораётганини таъкидлаб, мамлакат халқаро миқёсдаги таҳдидларга қарши ёлғиз курашаётганини билдирди.

«Айримлар асосан ижтимоий тармоқларда тарқатилаётган Исроилни қораловчи шундай тарғиботлар таъсирига тушиб қолмоқда. Бу ерда Исроил — “Исроилга ўлим, Америкага ўлим” ва улар ўртадаги барчага ўлим тилаётган глобал исломий фундаментализмга қарши курашаётган Довуддир»,

— деди Исроил бош вазири.

@Geointriga_uz

🇮🇱🇦🇪 Flydubai самолётини қўндиришда ёрдам берган йўловчини Нетаньяху қабул қилди

Исроиллик Янив Хайоннинг айтишича, капитан жароҳатланганидан сўнг кабина эшигини очишга муваффақ бўлган. Хайон иккинчи учувчини кабинадан тортиб чиқарган ва бошқа йўловчилар билан биргаликда уни боғлаб қўйган.

Шундан сўнг Хайон кабинага қайтиб, штурвални ўзига тортган ва самолёт аста-секин текислана бошлаган. Ундан буни қаердан билгани сўралганда, аввалроқ авиаҳалокатлар ҳақидаги кўрсатувни томоша қилганини айтган.

Flydubai мазкур ҳолат тергови давомида Исроилга рейсларни вақтинча тўхтатди.

@Geointriga_uz

🇮🇱🇬🇧 Нетаньяху: Эрон ҳужуми ҳақида Британияга маълумот бердик, улар эса эртаси куни бизга санкция қўллади

Исроил бош вазири Биньямин Нетаньяху Британиянинг сиёсати Ғарб келажаги учун хавф туғдиришини таъкидлаб, Лондоннинг ҳаракатларини танқид қилди.

«Биз британияликларга Эрон томонидан тайёрланаётган ҳужум ҳақида маълумот бердик, деярли эртаси куни эса улар бизга санкция қўллади. Бу жуда ғалати. Айтаманки, исломий-марксистик иттифоқ олдида таслим бўлиш ва тиз чўкиш Ғарб келажаги учун жуда хавфли»,

— деди Нетаньяху.

@Geointriga_uz

🇵🇹⚽️ Матбуот анжуманида Криштиану Ронолду агар унга ишонч билидирилмаса, жамоани тарк этишини билдирган эди.

@Geointriga_uz

🇵🇹⚽️ Терма жамоа мураббийи Жезуш Роналду билан жанжалга ойдинлик киритди

«Мен уни қиздиришга юбордим, кейин эса майдонга туширмадим. Мен истаган нарсамни ваъда қилишим мумкин, мен мураббийман ва ўйинни бошқараман, ҳеч ким мени қароримни ўзгартиришга мажбурлай олмайди — на у, на президент. Ҳеч қачон, ҳеч қандай ҳолатда!»

@Geointriga_uz

🇵🇹⚽️ Роналду Португалия терма жамоаси сафида бошқа ўйнашни истамаяпти — O Jogo

Нашр маълумотига кўра, қарор қатъий ва Криштиану Роналдуни фикридан қайтариш деярли имконсиз.

@Geointriga_uz

🇵🇹⚽️ Роналду Португалия терма жамоаси ихтиёридан кетганини маълум қилди

«Терма жамоа бош мураббийининг матбуот анжуманидан ва Португалия футбол федерацияси президенти билан суҳбатдан сўнг терма жамоа ихтиёридан кетишга қарор қилдим.

Вақти келиб, терма жамоани тарк этишимга сабаб бўлган ҳолатлар ҳақида португалияликларга барча ҳақиқатни айтаман. Мен ҳар доим ўзимни тўлиқ бағишлаб келган терма жамоа ҳақида гап кетмоқда.

Ҳозир эса Португалия ва барча жамоадошларимга, ҳеч бирини истисно қилмаган ҳолда, омад тилайдиган пайт», — деди Роналду.

@Geointriga_uz

🇺🇸🇮🇷 Трамп Эрон ҳақида: «Жуда яқин орада муайян воқеалар содир бўлишини кўрасиз»

▪️ Биз Ҳурмуз бўғозини деярли тўлиқ назорат қилаяпмиз.

▪️ Улар Ироқдаги барча — аскарлар, генераллар ва полициячиларни ишдан бўшатди. Ироқни бошқарадиган ҳеч ким қолмади ва охир-оқибат ИШИД пайдо бўлди. Биз эса мутлақо бошқача ҳаракат қиламиз. Улар Ироқда қилган аҳмоқликдан сабоқ чиқардик.

▪️ Трамп Венесуэла президенти Мадурони «терроризмнинг асосий давлат ҳомийси» деб атади.

▪️ Мен маошидан воз кечган ягона президентман.

▪️ Президент Си менга айтган биринчи гап: «Вау, сиз жуда яхши ишлабсиз!» Айтганча, у буни хитой тилида айтди.

@Geointriga_uz

🇷🇺🇺🇸 НАТО Россиядан Калининградни изоляция қилишга уриниш ядровий қурол қўлланишига олиб келиши мумкинлиги ҳақида огоҳлантириш олганини тасдиқлади — Reuters

«Ҳа, биз бу хатни олдик», — деди альянс бош котиби Марк Рютте.

Унинг таъкидлашича, НАТО мудофаа альянси ҳисобланади ва Россиянинг ядровий қурол қўлланиши мумкинлиги ҳақидаги огоҳлантиришини жиддий қабул қилмайди.

@Geointriga_uz

🇺🇦🇷🇺 Зеленский: Украина «Вивальди» операцияси давомида 176 км² ҳудудни назорат остига қайтарди

Зеленскийнинг айтишича, Украина Мудофаа кучлари операциянинг уч босқичи давомида Россия қўшинларининг Славянск–Краматорск агломерацияси ортига ёриб кириш режаларини барбод этган ва фронтнинг ушбу қисмида вазиятни барқарорлаштирган.

Унинг маълум қилишича, Россия 5 мингдан ортиқ ҳарбийсини ҳалок бўлган ва ярадор бўлган ҳолда йўқотган, яна 250 нафар ҳарбий хизматчиси асирга олинган. Украина умумий ҳисобда 176 км² ҳудудни назорат остига қайтарган.

Зеленский операциянинг тўртинчи босқичи режалари муҳокама қилинганини айтди. Шунингдек, у фронтда хавфли вазифаларни имкон қадар ҳарбий хизматчилар ўрнига ер усти роботлаштирилган тизимлар ва дронлар бажариши йўналишини кенгайтириш режалаштирилаётганини билдирди.

@Geointriga_uz

🇨🇦🇺🇸 Канададаги яҳудийлар АҚШга кўчиб ўтиш имкониятини кўриб чиқмоқда — The Jerusalem Post

Канадада яҳудийларга қарши ҳодисалар кескин кўпайиши фонида яҳудий жамоасининг айрим вакиллари АҚШга кўчиб ўтиш имкониятини кўриб чиқмоқда.

Нашр маълумотларига кўра, синагогаларга қилинган сўнгги ҳужумлар ва ижтимоий кескинликнинг кучайиши ортидан Канададаги айрим яҳудийлар мамлакатда ўзларини хавфсиз ҳис қилмаётганини билдирмоқда. Иқтисодий қийинчиликлар ва тоқатсизлик ҳолатларининг кўпайиши ҳам вазиятни оғирлаштираётгани қайд этилган.

Канададаги яҳудийларни эҳтимолий кўчириш масаласи АҚШ сиёсатчиларининг ҳам эътиборини тортди. Флорида сенатори Скотт, Оклахома губернатори Ститт ва АҚШ президенти Трамп аввалроқ хавфсизлиги учун хавотирда бўлган канадалик яҳудийларга бошпана ёки қочқин мақомини бериш имконияти ҳақида фикр билдирган.

@Geointriga_uz

🇸🇦🇮🇱 Саудия Арабистони Исроилга Flydubai йўловчиларини эвакуация қилиш учун ҳарбий самолёт юборишга рухсат бермади

Саудия Арабистони Исроил Ҳаво кучларининг C-130 Hercules ҳарбий-транспорт самолётига Табук аэропортига қўнишга рухсат бермади. Самолёт Flydubai рейси билан боғлиқ ҳодисадан сўнг аэропортда қолиб кетган йўловчиларни эвакуация қилиши керак эди. Йўловчиларни El Al самолёти орқали эвакуация қилиш имконияти ҳам рад этилди.

Бунинг ўрнига Табукка бошқа Flydubai фуқаролик самолёти келиб, йўловчиларни Тель-Авивга олиб кетиши кутилмоқда.

Янгиланиш: Саудия Арабистони Исроил самолётларининг ўз ҳудудига қўнишига рухсат бермаганидан сўнг, БААдан юборилган самолёт мамлакатга қўниб, исроиллик йўловчиларни эвакуация қилди.

@Geointriga_uz