The Economist «кўзгудаги ҳаёт» — mirror life деб аталадиган сунъий организмларни яратиш имконияти тобора реаллашиб бораётгани ва бу технология олдиндан тартибга солиниши кераклиги ҳақида огоҳлантирди. Ҳозирги технология билан бундай организмни яратиш ҳали жуда мураккаб, аммо синтетик биология жадал ривожланмоқда.
«Кўзгудаги ҳаёт» ғояси хираллик — молекулаларнинг чап ва ўнг қўл каби бир-бирининг кўзгудаги акси бўлиши хусусиятига асосланади. Ердаги деярли барча маълум тирик организмлар бир хил «йўналиш»даги молекулалардан фойдаланади.
Масалан, оқсиллар маълум шаклдаги аминокислоталардан тузилган. «Кўзгудаги организм» эса шу молекулаларнинг тескари шаклларидан қурилган бўлар эди.
Муаммо шундаки, тирик организмларнинг кўплаб ҳимоя механизмлари айнан молекулаларнинг шу шаклига мослашган.
@Geointriga_uz