Швеция Россия томонидан ҳужум қилинган тақдирда фақат ўз ҳудудини мудофаа қилиш билан чекланиб қолмайди. Швеция Ҳарбий-ҳаво кучларининг Ҳаво уруши маркази раҳбари, полковник Карл Бергквистнинг айтишича, янги стратегия душман ҳудудининг чуқур қисмидаги ҳарбий нишонларга зарба бериш имкониятини ҳам назарда тутади.
Бундай зарбаларнинг эҳтимолий нишонлари сифатида штаблар, авиабазалар ва логистика объектлари кўрсатилган. Бергквистнинг таъкидлашича, мақсад — эҳтимолий тажовузкорга уруш фақат Швеция ҳудудида олиб борилмаслигини англатиш ва уни тийиб туриш.
Янги концепция доирасида JAS 39 Gripen қирувчи самолётларини Taurus KEPD 350 қанотли ракеталари билан интеграция қилиш режалаштирилмоқда. Ушбу ракеталарнинг парвоз масофаси 500 километрдан ортиқ.
@Geointriga_uz