Rasmiy munosabat

Ijtimoiy tarmoqlarda Toshkent shahri Chilonzor tumani 4-mavzesi hududida, xususan, Anhor bo‘yi atrofida maishiy chiqindilar to‘planib qolgani hamda chiqindilar o‘z vaqtida olib ketilmayotgani yuzasidan murojaat e’lon qilingan.

Mazkur holat Toshkent shahar Ekologiya va iqlim o‘zgarishi bosh boshqarmasi Ekopolitsiyasining Chilonzor tumani bo‘limi xodimlari tomonidan o‘rganildi.

O‘rganishlar davomida hududdagi chiqindilarni bartaraf etish va sanitariya holatini yaxshilash yuzasidan mas’ul tashkilotlarga tegishli ko‘rsatmalar berildi.

Aniqlangan kamchiliklarni bartaraf etish, hududni chiqindilardan tozalash hamda kelgusida chiqindilarning o‘z vaqtida olib chiqib ketilishini ta’minlash bo‘yicha tegishli choralar ko‘rilishi nazoratga olindi.

___
🍀 Toshkent shahar Ekologiya va iqlim o'zgarishi bosh boshqarmasi matbuot xizmati

📱Telegram 🌐Instagram 🌐Facebook