“Yashil makon” umummilliy loyihasini amalga oshirish bo‘yicha vazifalar belgilab olindi

O‘zbekiston Respublikasi Prezidentining 2026-yil 23-sentabrdagi PF-206-son Farmoni — “Yashil makon” umummilliy loyihasini amalga oshirishda mahallalar rolini kuchaytirish va hududlarning yashillik darajasini tubdan oshirishga doir chora-tadbirlar to‘g‘risida”gi hujjat ijrosini ta’minlash maqsadida Toshkent shahar Ekologiya va iqlim o‘zgarishi bosh boshqarmasida tegishli ishlar muhokama qilindi.

Yig‘ilishda O‘zbekiston Respublikasi Ekologiya va iqlim o‘zgarishi milliy qo‘mitasining O‘rmon, bioxilmaxillik va ekoturizm siyosatini yuritish departamenti boshlig‘i B. Xolxojayev ishtirok etdi.

Unda “Yashil makon” umummilliy loyihasi doirasida hududlarning yashillik darajasini oshirish, ko‘kalamzorlashtirish ishlarini samarali tashkil etish, mahallalarning ushbu jarayondagi ishtirokini kuchaytirish hamda belgilangan vazifalarni tizimli amalga oshirish yuzasidan bajariladigan ishlar kelishib olindi.
___
🍀 Toshkent shahar Ekologiya va iqlim o'zgarishi bosh boshqarmasi matbuot xizmati

📱Telegram 🌐Instagram 🌐Facebook