#FidoyiUstozlar

50 yillik stajli, Sharof Rashidovlar bilan suhbatlashgan ustoz bilan ko‘rishish baxtiga muyassar bo‘ldim!

Yakkasaroy tumani 118-maktabida roppa-rosa 50 yildan buyon dars berib kelayotgan fidoyi ustoz bor ekan.

U kishi — Abdullayeva Odinaxon ustoz!

Kontent markazining "Fidoyi ustozlar" loyihasiga 118-maktab direktori Fotima Kulmuratovna ustozlari haqida maʼlumot yuborgan edilar. Birlari haqidagi suhbatni avvalgi videoda ko‘rgan edingiz, endi sizga tanishtirmoqchi bo‘lgan ustoz ulkan tajribaga ega, shu maktabda 35 yildan buyon ishlab kelayotgan, umumiy pedagigik staji naqd 50 yil(!) bo‘lgan ustoz Odinaxon ustoz.

Odinaxon ustoz o‘zining o‘quvchilarini nevaralarini o‘qitmoqda hozirda. Shohirdlari o‘zi bilan birga ishlaydi, barcha ota-onalar Odinaxon ustozga beramiz, deya iltimos qilar ekan haligacha.

Shuncha bir stavka dars bilan birga darsdan keyin ham qo‘shimcha mashg‘ulotlar o‘tishmoqda. Biz kirganda ham shunday mashg‘ulotlarini endi tugatib, bolalarga javob berdilar.

Sinf xonalari chinnidek, o‘zlari AKTni ham besh qo‘ldek biladigan, butun umrini boshlang‘ich o‘quvchilarga harf o‘rgatishga bag‘ishlagan ustoz bilan tanishish men uchun sharafdir.

Bunday ustozni eʼzozlab, u kishini duolarini olib birga ishlayotgan 118--maktabning fidoyi direktori Fotimaxon opaga va butun maktab jamoasiga havas qildim!

Odinaxon ustozga kuch-quvvat tilab, xayrlashdik. Barcha ustozlarni shunday eʼzozli ustoz bo‘lishini tilaymiz.

Ustoz bilan suhbatimizni tomosha qiling va shunday ustozga havas qiling: 👇👇👇

https://www.instagram.com/reel/DecGWM4MSxl/?xtok=cW5uOGdqdHJxNjhv


Siz ham Kontent markazining "Fidoyi ustozlar" loyihasi yordamida o‘z hayotida chuqur iz qoldirgan, shogirdlari kamoloti uchun sidqidildan mehnat qilayotgan ustozingizni butun O‘zbekistonga taniting!

📩 Tavsiyalar: @fidoyibot

#fidoyi_ustozlar

@domlajon
t.me/domlajon