Shaxmat orqali katta mukofot yutish imkoni: sovrin jamgʻarmasi 620 million soʻm boʻlgan "Zakovat-Gambit" shaxmat turniri oʻtkaziladi

Oʻzbekistonda eng sevimli sport turiga aylanib borayotgan shaxmat bo‘yicha anʼanaviy V "Zakovat-Gambit" shaxmat turniriga start berilmoqda. Mazkur musobaqada mamlakatimizdagi barcha yoshdagi shaxmat ixlosmandlari ishtirok etib, yirik pul mukofotlarini qoʻlga kiritishi mumkin. Turnirda qatnashish uchun Oʻzbekiston fuqarosi boʻlsangiz yetarli.

Musobaqa toʻrt bosqichda tashkil etiladi: hududiy (19-22-oktyabr) va onlayn saralash (24-oktyabr), shuningdek, yarim final (28-oktyabr) va final (29-30-oktyabr) oʻyinlari. Eʼtiborli jihati, hududiy saralashdan oʻta olmagan yoki unda qatnasha olmagan talabgorlarga onlayn saralashda qatnashib, yarim finalga chiqish uchun qoʻshimcha imkoniyat beriladi.

Chempionatda qatnashish istagida boʻlganlar 15-oktyabr soat 23:59 ga qadar gambit.zakovatklubi.uz sayti orqali oʻz reytingiga mos guruhni tanlagan holda roʻyxatdan oʻtishi lozim.

Albatta qatnashing, bu nafaqat professional, balki havaskor shaxmatchilar uchun ham eng yaxshi, nufuzli turnirlardan biri, o‘tgan yili taqdirlash marosimiga Saida Shavkatovna shaxsan o‘zi ishtirok etgan edi.

@domlajon
t.me/domlajon