#FidoyiUstozlar 🌟

👩‍🏫 Murodova Nasiba — 25 yillik tajribaga ega fidoyi ustoz!

📍 Toshkent viloyati, Bo‘ka tumani 46-maktab Ona tili va adabiyot fani o‘qituvchisi

Ba’zi ustozlar borki, ular shunchaki bilim bermaydi — shogirdlariga ishonch bag‘ishlaydi, ularga yo‘l ko‘rsatadi va katta marralarni zabt etishiga zamin yaratadi. Murodova Nasiba opa ana shunday ustozlardan biri.
Oliy toifali, o‘z kasbining haqiqiy bilimdoni bo‘lgan Nasiba ustoz 25 yillik pedagogik faoliyati davomida o‘zining bilim va tajribasi, talabchanligi hamda shogirdlariga bo‘lgan samimiy e’tibori bilan e’tirofga loyiq iz qoldirib kelmoqda.

Ustoz mehnatining eng katta samarasi — kamolga yetgan shogirdlaridir. Uning shogirdlaridan biri Jahongir Turg‘unbayev Maxsudali o‘g‘li 2026-yilgi "Yil o‘qituvchisi" tanlovi g‘olibi, shuningdek, vazir ustamasi sohibi hisoblanadi. Ustozning boshqa shogirdlari orasida ham olimpiada sovrindorlari ko‘pligi uning pedagogik mahorati va samarali mehnatidan dalolat beradi.

Jahongir Turg‘unbayev ustozini nafaqat bilim bergan muallim, balki o‘ziga ishongan, doimo qo‘llab-quvvatlagan va muvaffaqiyat sari ruhlantirgan inson sifatida qadrlaydi.
Zero, shogirdning yutug‘i ortida ko‘pincha yillar davomida qilingan ustoz mehnati, berilgan saboq va bildirilgan ishonch mujassam bo‘ladi.

🤝 Murodova Nasiba ustoz "Fidoyi ustozlar" loyihasiga shogirdi Jahongir Turg‘unbayev tomonidan tavsiya etildi.

Siz ham Kontent markazining "Fidoyi ustozlar" loyihasi yordamida o‘z hayotida chuqur iz qoldirgan, shogirdlari kamoloti uchun sidqidildan mehnat qilayotgan ustozingizni butun O‘zbekistonga taniting!

📩 Tavsiyalar: @fidoyibot

#fidoyi_ustozlar

@domlajon
t.me/domlajon