Isroil Tillaboyev blogi

📣 BOSHLANG‘ICH TA’LIM USTOZLARI UCHUN YUTUQLI ONLAYN OLIMPIADA!

Bilimingizni sinang, attestatsiyaga tayyorlaning va pul mukofotini yutib olish imkoniyatidan foydalaning! 🏆

⚡️ KHISO olimpiada jamoasi @domlajon va “Innovatsion metodika” Telegram kanallari hamkorligida boshlang‘ich ta’lim ustozlari uchun mutlaqo BEPUL onlayn olimpiada tashkil etiladi!

🗓 Sana: 10-oktabr

💻 Format: onlayn

📲 Ro‘yxatdan o‘tish: @khisouzbot

💰Yutuq jamg‘armasi: 1 000 000 so‘m!

📝 Savollar boshlang‘ich ta’lim ustozlari uchun attestatsiya standarti asosida tuziladi.

📜 Har bir ishtirokchi elektron sertifikat bilan taqdirlanadi!

✨ O‘z bilimingizni baholash va attestatsiya oldidan tayyorgarligingizni sinab ko‘rish uchun ajoyib imkoniyat!

📲 Xabarni hamkasblaringizga ham ulashing — ular ham imkoniyatdan foydalanishsin!

🌟 FIDOYI USTOZLAR #fidoyi_ustozlar

O‘zbekiston Xalq o‘qituvchisi —Dilorom Mamasharipova

Ba’zi insonlar kasb tanlaydi. Ba’zilari esa bir umr kasbiga sodiq qoladi.

Samarqand viloyati Oqdaryo tumanidagi 45-maktabning matematika fani o‘qituvchisi Mamasharipova Dilorom Muhammadiyevnaning ustozlik yo‘li 1981-yilda boshlangan.

Shundan beri qariyb 45 yil — maktab, o‘quvchi, dars, izlanish va shogirdlar...

Bu mehnat yillar davomida e’tirofsiz qolmadi.

🏅 “Shuhrat” medali
🏅 “Mehnat shuhrati” medali
🏅 “Ta’lim fidoyisi”
🏅 va boshqa davlat hamda soha mukofotlari...

Ammo uning mehnat yo‘lidagi eng katta e’tiroflardan biri 2018-yilda berildi.

🇺🇿 “O‘zbekiston Xalq o‘qituvchisi” — ta’lim sohasidagi eng yuksak davlat e’tiroflaridan biri.

Bu unvon ortida shunchaki yillar emas, minglab darslar, yuzlab shogirdlar va bir umrga cho‘zilgan fidoyilik turibdi.

Dilorom opa bilan telefon orwali uzoq suhbatlashdik. U kishini shogirflari bizga @fodoyibot orqali tavsiya qilgan edilar, shunday ustozni tanishtirganlari uchun rahmat.

Diloromxon ustoz tarbiyalagan o‘quvchilar yillar davomida tuman va viloyat olimpiadalarida matematika hamda informatika fanlaridan sovrinli o‘rinlarni egallagan.

Bugun esa uning shogirdlari orasida turli sohalarda katta natijalarga erishgan insonlar bor: oliy toifali o‘qituvchilar, xalqaro sertifikat sohiblari, fan doktorlari, bank-moliya va boshqa sohalarda xizmat qilayotgan mutaxassislar.

Eng ta’sirlisi esa — ustozlik faoliyati pensiya bilan tugamagan.

Bugun ham Dilorom opa o‘quvchilarga turli musobaqalarda qatnashishida yordam berib kelmoqda.

Chunki haqiqiy ustoz uchun dars jadvali tugashi mumkin, ammo shogird uchun mas’uliyat tugamaydi.

❤️ 45 yil davomida ustozlik qildi. Mukofotlar oldi. “Xalq o‘qituvchisi” degan sharafli nomga sazovor bo‘ldi. Ammo eng katta mukofoti — bugun ham uning bergan bilimidan foydalanib, jamiyatga xizmat qilayotgan shogirdlari.

Bu — Mamasharipova Dilorom Muhammadiyevna. Haqiqiy Fidoyi ustoz❤️ Ustozga sog‘lik, xotirjamlik tilab qolamiz!

Do‘stlar, Kontent markazining FIDOYI USTOZLAR loyihasi yangidan-yangi ustozlarni sizlarga taqdim etishda davom etadi.

Biz shu oktabr oyi davomida Toshkent shahridagi ustozlar bilan bevosita maktablariga borib intervyular tashkillayapmiz, sizning maktabingizda ham shunday fidoyi ustoz bo‘lsa, bizga yuboring, tanishib chiqib, o‘zimiz borgan holda birga suhbat qilamiz

👇 Sizning hayotingizda ham shunday ustoz bormi?
Uni @fidoyibot orqali tavsiya qiling.

@domlajon
t.me/domlajon

O‘zbekistonda o‘zbek tilini hurmat qilmaydigan har qanday tashkilot, kompaniya sharmandalikka mahkum bo‘lishi kerak!

@domlajon
t.me/domlajon

Bloger o‘zbek tilida gapirishni so‘ragani uchun Centrum Air aviakompaniyasi samolyotidan chiqarib yuborilgani aytilmoqda.

"Bo'lgan voqaea haqida qisqacha! @centrumair avia kompaniyasining Samara Toshkent yo'nalishi bo'ylab uchadigan samalyotiga bilet oldim. 5-oktyabr soat 15:45 da uchadigan reysiga. Biletni oldim registratsiyadan o'tdim pechat urildi samalyotga chiqdim. Samalyotga kirishimda posadchniy talon deb rus tilida so'radi, va man Uzbek tilida so'rasangiz bo'lmaydimi Uzbekku siz dedim va menga baqirib ketdi xohalsam ruscha xohlasam anglizscha gapiraman deb va meni orqaga qaytishimni so'radi va men ortga qaytdim 6-7 qatorlar yonidan, menga samalyotdan tushishimni so'radi hop dedim va samalyotdan tashqariga chiqdim yani yo'lakga. Undan keyin kapitanni yani lochik uchuvchini yoniga kirib ketdi va qaytib chiqqach menga qarab siz uchmaysiz deb bo'ldi qoldiz endi o'ylab gapirish kerak edi deb kuldi.

Aybim Uzbekiston samalyoti Uzbek stuardessasi Uzbek avia kompaniyasidan Uzbek tilida gapirishini so'raganimmi?", — degan bloger @komil_vlogs.

Centrum Air aviakompaniyasi esa rasmiy tushuntirish berib,
yo‘lovchi bort kuzatuvchiga nisbatan tajovuzkor munosabatda bo‘lgani, qo‘pol talablar qo‘ygani va xodimani haqorat qilgani sababli havo kemasi komandiri uni parvozga qo‘ymaslikka qaror qilganini bildirgan.

Nima deyishni ham bilmaysiz bu boyaqishlarga.

O‘zi oxirgi paytlarda eʼtibor bersangiz bu "Centrum Air" aviakompaniyasi bo‘yicha eʼtirozlar ko‘payib ketgan.

@domlajon
t.me/domlajon

Ta’lim tizimiga qanday vazir kerak?

Siyosatshunos Hamid Sodiq "Tanaffus" podkastining 11-sonida aynan O’zbekiston sharoitida ta’lim tizimiga qanday vazir kerakligi haqida aytgandi.

Xo’sh, sizningcha bu lavozimiga qanday sifatlarga ega bo’lgan shaxs tayinlnishi kerak?

📝 Izoh yozish

▶️ To'liq video — https://youtu.be/FBozrrgJmLU

@domlajon
t.me/domlajon

Bibisara Asaubayevaning onasi: "Men O‘zbekiston terma jamoasiga muxlislik qildim"

Samarqandda o‘tkazilgan 2026-yilgi Butunjahon shaxmat olimpiadasi davomida qozog‘istonlik shaxmatchi Bibisara Asaubayevaning onasi Lina Tanjarikovaning O‘zbekiston erkaklar terma jamoasini qo‘llab-quvvatlagani katta rezonansga sabab bo‘ldi.

Tanjarikova avvalroq erkaklar o‘rtasidagi bahslarda O‘zbekiston terma jamoasi va yosh grossmeyster Javohir Sindarovga muxlislik qilishini ochiq aytgandi.

U o‘z tanlovini shaxsiy hayoti bilan izohlab, Qozog‘iston janubidagi o‘zbek mahallasida ulg‘ayganini ta’kidladi. Shuningdek, O‘zbekiston terma jamoasini “yosh, ambitsiyali va juda iste’dodli” deya ta’riflagan.

Uning bu fikrlari Qozog‘iston jamoatchiligida turli munosabatlarga sabab bo‘ldi.(#)

Mindey o‘ylab qarasa, kuyovni payg‘ambarlar siylagan, degan gap borku ahir, salkam kuyovga, yana olimpiada chempionlariga muhlislik qilgani to‘g‘rida. Opa muxlislik qilgan jamoa ikkisi ham yutdi lekin))

@domlajon
t.me/domlajon

Эъзозахон Каримова Республика маънавият ва маърифат маркази директори ўринбосари этиб тайинланди.

Манбаа

Омад тилаймиз Эъзозахон Ғофуржоновнанинг келгуси фаолиятларида.

Демак, ҳар икки вазирликнинг вазирлари бошқа ишга ўтказилди. Қизиқ, вазир эртага эълон қилинармикан ёки бугун... Интрига))

@domlajon
t.me/domlajon

Конгратбай Шарипов яна Тошкент давлат иқтисодиёт университетига ректор бўлди

Конгратбай Авезимбетович Шарипов Тошкент давлат иқтисодиёт университети ректори этиб тайинланди. Бунга қадар у Олий таълим, фан ва инновациялар вазири лавозимида ишлаган.

Шарипов аввал ҳам — 2019 йил ноябридан 2024 йил февралигача мазкур университетга раҳбарлик қилган.

2024 йил 2 февралда эса Олий таълим, фан ва инновациялар вазири этиб тайинланган эди.(#)

@domlajon
t.me/domlajon

Prezident Administratsiyasi rahbari Saida Mirziyoyeva Toshkent arxitektura-qurilish universiteti faoliyati bilan tanishdi.

O‘zbekiston juda katta qurilish-bunyodkorlik diyoriga aylandi. Butun boshli yangi shaharlar qurmoqdamiz. Ushbu universitet mana shu qurilishlar uchun davlatimizga professional muhandis, loyihachi, arxitektor kadrlar yetkazib berishga ixtisoslashgan. Saida Shavkatovna O‘rta Osiyoda o‘rni katta bo‘lgan bu taʼlim dargohidagi o‘qitish sistemalari, talabalar uchun sharoitlar, o‘quv dasturlari bilan tanishdi.

Oliygohda 4 ta ta’lim yo‘nalishi bo‘yicha o‘n mingga yaqin talaba tahsil olmoqda. Universitet ma’muriy boshqaruv, o‘quv va ilmiy jarayonlarga raqamli texnologiyalarni faol joriy etmoqda. Dual ta’lim rivojlantirilib, ilmiy ishlanmalar tijorat loyihalariga, talabalar shaharchasi esa ilg‘or innovatsion yechimlar maydoniga aylantirilmoqda.

Saida Mirziyoyeva taʼlim dargohida tahsil olayotgan talabalarni nostandart loyihalar, kreativ yechimlar, murakkab zamonaviy dizaynlar qura oladigan arxitektorlar, muhandislar tayyorlash uchun kerakli vazifalar belgilab berdi.

Umid qilamizki, yaratilayotgan sharoitlarda tahsil olgan yoshlarimiz nafaqat davlatimizda, balki dunyoni hayratlantiradigan zamonaviy yangi avlod arxitektorlar bo‘lib yetishadilar.

@domlajon
t.me/domlajon

Bu bo‘yicha bir mutaxassis bilan gaplashdim.

Yarim soatda butun tizimdagilarni aniqlash mumkin ediku, demoqda.

Hayron qoldim oddiygina yechim ekanku mana: my.mehnat.uz platformasida Taʼlim muassasalarida ishlovchilar deb filtr qo‘yiladi,  darhol chiqib keladi. IIVning sudlanmaganlik bazasida taqqoslanadi,  PINFLlari,  bo‘ldi,  masala hal,  deyishmoqda. Tashkiliy jihatdan Mehnat vazirligi va IIVga bitta rasmiy xat jo‘natilganda bo‘ldi edi,  demoqda. Hattoki Mehnat vazirligigayam murojaat qilmasdan Erp orqali qilish mumkin,  edi,  deyishmoqda.

Vazirlikda o‘tirganlarni shuni shunday oson yechimini o‘ylashga vaqti yo‘qmidi-a?

Shuncha ovoragarchilik nima keragi bor, tushunmadim!

@domlajon
t.me/domlajon

Namangandagi bog‘cha fojeasidagi aybdor deb hisoblanayotgan o‘sha kimsa avval sudlanib, qamalib chiqqanini yozishgandi. Shundan so‘ng vazirlik respublikadagi hamma bog‘cha va maktablarni bir boshdan tekshirilishini aytgan edi. Mana bunday qilib hamma xodimlarni tekshiruv uchun maʼlumotlari so‘ralmoqda ekan. Men bunga baho bergani inson huquqlari bo‘yicha mutaxassis emasman, lekin tan olaylik, maktab, bog‘chalarda alimentdan qochib bir balo texnik ishlarga kirib olganlar topiladi, ATIlarda ishlash majburiy qilib belgilanganlar ham maktab bog‘chalardan baʼzan qo‘nim topganini ko‘rganmiz. Men mana shundaylarni taʼlim dargohida ishlashiga qarshiman, taʼlim dargohida halol, namunali insonlar ishlashi kerak, bu yerda ishlash talabini qattiq qo‘yish shart, bu qanchalik og‘ir bo‘lmasin, kerak bo‘lsa qayta qonunchilikka o‘zgartirish kiritish kerak. Ota-onalar behavotirligi va bolalar xavfsizligi uchun. Qamalib chiqqan, ayniqsa og‘ir jinoyatlar bilan qamalib chiqqanlarni bu dargohga olmaslik kerak. Og‘ir, bahsli, zarur yurish.

Masalaning yana bir tomoni borki, bu maʼlumotnomani olish pulli deyishmoqda, 12 ming so‘mga yaqin. Nega yuz minglab xodim shuncha pul to‘lab olib berishi kerak, bu ish avvalo davlat masʼullariga kerak ekan vaqtincha bepul qilish kerakdir balki shu xizmatni?

@domlajon
t.me/domlajon

Tovba, bayroqdan butun boshdan-oyoq ko‘ylak kiyibdi bu raqqosa Nyu Yorkda maʼnaviyat targ‘iboti tadbirlari shekilli. Turishidan bizdan borgan targ‘ibotchilar.

Adashmasam bir yil oldin bir model qiz xalqaro modalar namoyishida bayroqdan egniga nimadir ko‘ylak kiyganiga jarima to‘lagandi. Madaniyat vazirligi davlat ramzini bunday qilishganiga qaramasmikan?

@domlajon
t.me/domlajon

Bugun — 5-oktabr, to‘lovni amalga oshirishning so‘nggi kuni

Navbatdan tashqari attestatsiyada ishtirok etish uchun murojaat yuborgan pedagoglar to‘lovni bugun soat 23:59 ga qadar amalga oshirishlari mumkin.

To‘lovni belgilangan muddatda amalga oshirishni unutmang.

@domlajon
t.me/domlajon

Биз баланд режалар ҳақида гапитаётганимизда, кимдир тирикчилик манбаи электровелосидан айрилмоқда.

Е-велосипеди мусодара қилинган курьер ёзаяпти:

"Мана шуни мен ҳам англаёлмадим, е-велосипедимни тезлигини 25 км/соатдан оширмасам, катта йўлга чиқмай қизил йўлакда юрсам ҳам “A1” тоифадаги гувоҳномани олишим шарт экан, бўлмаса ишлаёлмайман. Жуда-жуда ғалати ишлар бўляпти, минг яхши гумонда бўлишликка ҳаракат қилсам ҳам “булар фақат соққа қилишни режалаштиряпти” деган" гумон тинчлик бермаяпти".

Камбағалликни қисқартириш бўйича ҳукумат қанча тирашсаю, мана бу оддий курерлик орқали кундалик тирикчилигини зўрға тортаётган аҳоли қатлами турли сиқувларга олинаверса, бизнинг партиялару депутатлар эса томошабин бўлиб ўтираверса, нима керак бу партияю, депутатларни? Ҳамма партияни ёпиб, харажатига шу курерларга иш жойи топиб берсак фойдали бўларди аслида.

@domlajon
t.me/domlajon

Endi yozsam bo‘lar, ishdan ketdi-ku: Shu yil fevralda tayinlangan Ilhom Siradjev qanday ishladi, taʼlimni isloh qilishni eplay oldimi?

Siradjev juda qisqa muddat bu lavozimda o‘tirdi, fevralda tayinlangan edi. U kishining bu lavozimga qo‘yilishini, to‘g‘risi, hech kim kutmagan edi. Lekin shu qisqa muddatda u kishi o‘zini ko‘rsata oldi, deb o‘ylayman.

Men hozir o‘qituvchi ko‘zi bilan, shu onda esimga kelganlari, bevosita bilishimiz mumkin bo‘lgan ishlariga qarab gapira olaman.

U kishi eng avvalo 6 oylar davomida attestatsiyadan norozi bo‘lib, sudlarga ham berib, vazirlik avvalgi xodimlari tan olmasdan, tarixchi o‘qituvchilar kimga dodini aytishni bilmay turganda o‘zi masalani qo‘lga olib, o‘qituvchilarga attestatsiyada ball qo‘shtirib berdi. Haqiqatni tiklashi tufayli minglab o‘qituvchilar xursandchiligiga sabab bo‘lgandi.

Shuningdek, u kishi avval vazirlikning moliyaviy departamentida, vazirlikning eng halol jamoasida ishlagan kishi sifatida moliyaviy tomondan sensatsion o‘zgarish, takliflarni ishlab chiqqan odam sifatida esda qoladigan masʼul bo‘lib qoladi.

Avvalo, maktablarda deyarli orzu bo‘lgan matematika, fizika, kimyo va biologiya fanlarini 2 guruhga bo‘lib o‘qitish taklifi tarixiy qaror, desam bo‘ladi. Mana shu birgina taklifni ishlab chiqib, uni qo‘rqmasdan, qaytarmasdan Prezidentga taqdim qilishining o‘zigayoq shlyapamni yechaman. Bu qaror butun millat rivojlanishini yangi bosqichga olib chiqadi.

Shuningdek, shu fan o‘qituvchilariga sertifikat olsa, 50 foiz ustama belgilash taklifi ham O‘zbekistonda muhandislik yo‘nalishi kelajakda rivojlanishiga katta hissa qo‘shadi.

Umuman olganda, kuni kecha Prezident tomonidan eʼlon qilingan katta imtiyozlarni hozirda, albatta, eng avvalo ushbu lavozimdagi kadr Davlat rahbariga olib kirishi sir emas. Shu va biz bilmagan yana ko‘plab ishlariga nazar solib, Ilhom Siradjevning qisqa faoliyatiga nazar solib, xalqqa foydali ishlarni qila oldi, deb ayta olamiz. Rahmat!

Shu lavozimga yangi tayinlangan Obid Hakimov ham iqtisod bo‘yicha juda kuchli kadr ekanini bilamiz. Taʼlimimizning hamma teshigi eng avvalo iqtisodiy tarafdan islohotga muhtojligini hisobga olsak, Prezidentning kimsan butun boshli iqtisodiy masalalar bo‘yicha maslahatchisini taʼlim kuratorligiga kelishi bu taʼlim tizimining katta yutug‘i, deb o‘ylayman, bunday katta kadrdan ham ko‘p narsalarni kutishimiz mumkinligiga ishonsak bo‘ladi. Vaqt o‘tsa, ko‘raveramiz natijani.

Har ikki kadr faoliyatiga omad tilaymiz!

@domlajon
t.me/domlajon