Channel Public Channel

خوجا ساغلام

@chgrmn

Subscribers: 206
Photos: 1.5K
Videos: 537
Links: 228

Showing posts older than #5410 · Back to latest

Older Posts 20 shown

Post #5406 63 Sep 22, 2026, 09:05 UTC

🍎🏃📚✏️

روشن خیاوی و اسماعیل سالاریان جنابلارینین یازدیقلاریندان یارارلانان یازی :

الف: کؤک سؤز: من، مان- man : بهادر، ییلماز،...

پروتوآلتائیک- Alt.p : من، مان- man

پروتو تونقوز- tung.p : من، مان-man

پروتو مانچو- manch.p : من، مان-man (مانچو- mançu : میللتینین آدی مانچو)

تووان- tuvan : مان- ایر-man ir : بهادر، ییلماز- hero

فین- اوگور- ugor- Finn : مانچ، منچ- manç

مجارجا- magr : مان، من- ایل حکومتی، سلطنتی: “clan royal “

The mythical clan ancestor – اسطوره‌ی ایل نیاء: magr - مجارجا

مجارجا- magr : من، مان-man : بؤیوک(بزرگ)، مه م important, big

مجارجا-magr : من، مان: فیندیق، فیندیق آغاجی، قورتاریشی یاشیل اولان اسمر گؤز ، tree hazel-nut (فندق آغاجی)

فنالندی دیلی- Finn : من، مان-man : مردانه، دلیرانه

فنالند دیلی- Finn : من، مان- man : مرد، man

فنالند دیلی- Finn : من، مان- man : کیشی، ائرکک، مذکر- male

استونی دیلی- Eston : من، مان- man : کیشی،
تورکجه ده "مان" سؤزو تشدید و شدت وئرمکده ایشلهنیر.
کلمه نین سونوندا(اک)ایشله نسه تشدید کلمه نین ایلکینده(اؤن اک) ایشله نسه تضعیف ائدن بیر سؤزدور.
مان تکجه گلسه عیب و ایراد قارشیلیغیدیر. بو ایش مان‌دیر: این کار عیب است.
آسمان: بتردن آسلانمیش بیر زاد. به شدت و بطور وسیعی آویزان شده است!
توركمان: اوغوز تورکلری اؤزلرینه ترکمان یا تركمن (یعنی بتردن(شدیدا) ترك، بان یاخچی تورک) دئیردیلر.
دئیرمان: دگیرمان ایکی کلمه دن اولوشان = "دئیر" (برخورد می‌كند) و "مان" . یعنی دبیللی دَیَن /دبیللی توخانان.
مانقورد( مان بورادا اوَلده گلیبدیر): کامل قورد یوخ ناقص قورد.
"مان" "اك (پسوند)" اولاراق آنلامی یوخدور. یالنیز قابقداکی سؤزون آنلامینی بترلشدیریر یعنی شدت وئریر. یعنی بؤیودور. یعنی گوجلندیریر...و ... فارسجادادا کلمه نین سونودا مان اولسا او کلمه کؤکو تورکجه دیر.
.
مان اولان کلمه لردن نئچه لری:

درمان: (در+ مان) درماق/ درمک كؤكوندن، او اوتلار كي درديلریعنی كؤكوندن قوپارديرلار.

قهرمان= قارامان: (قارا+ مان) قارانين بير آنلامي يئكه دير.

1-بؤيوك كيشي، قهرمان 2- قارا گئين، قارا كيمي 3- قديم آنادولودا قارامان ائلي(اوغلان آدي)

اَرمان= آرمان: (آر+ مان) بؤيوك آرزي، بؤيوك ايستك، آر= اَر= يئكه (اوغلان آدي)

آريمان: (آري+ مان): تميز اينسان، آري= تميز (اوغلان آدي)

آسمان: (آس+ مان) اوجا يئر، آس= آذربايجاندا بؤيوك بير ائلين آدي، آسيا سؤزجوكوده بو آددان گؤتورولوب، اوجاليقلاردا ياشايان بير ائل.

قوجامان: (قوجا+ مان) بيليجي قوجا، آدليم

ائلمان: (ائل+ مان) ائلين كيشيسي، ائلين سيمگه سي، (اوغلان آدي)

ايليمان: (ايلي= ايليق+ مان) نه ايسسي نه سويوق، ايليق، اورتا، (اوغلان آدي)

آلپ مان: (آلپ+ مان) قهرمان، آلپ= سردار، (اوغلان آدي)

دودمان: دودومان= دوغدومان: (دوغدو+ مان) دوغولوب تؤره ين يئر و اؤروش.

اوْرمان: (اور+ مان) آغاجليق بير يئر، مئشه، اور=اورو= هؤرو يا هؤروك= بير بيرينه گئييشميش اوتلار يا آغاجلار يا توكلر، (اوغلان آدي)

خرمن= خيرمان: (خير+ مان) بير يئره توپلانميش تاخيل يا بير يئره توپلانميش يئميشلر، خير= بوستانين يئميشي يا تاخيل(آرپا، بوغدا، ...).

آيمان: (آي+ مان) آي كيمي، آياتاي، (قيز آدي)

بَهمن= بَهمان= بَي مان: (بَي + مان) بَي كيمي، (اوغلان آدي)

سازمان: (ساز+ مان) اؤلچولو و قايدالي، ساز= ياخجي يا دوزوملو يا چاتيشمازليغي اولمايان بير زاد يا تؤك- داغيت اولمايان بير يئر.

دوشمن= دوشمان= دؤيوشمان: ( دؤيوش+ مان) دؤيوش= ساواش
ديلمان= ديلمانج: (ديل+ مان) چئويرمن، (اوغلان آدي)

نرمان= نريمان: (نر+ مان) قهرمان، ارسلان، نر= ائركك، (اوغلان آدي)

نايمان: (ناي+ مان) 1-كوكلو 2-اؤزونه اينانان 3-سكگيز 4-موغولستاندا

تورك بير ائلين آدي دير كي نايمان خانليقلارين دولانديريرلاردي.
نريشمان: (نريش+ مان) قورخمايان آدام، نريش= نر كيمي، (اوغلان آدي)

نورمان: (نور+مان) نوردان دوغولان، نور كيمي، نورلو آدام (قيز آدي)

آتامان: (آتا=مان) سالار، امير،(اوغلان آدي)

آتايمان: (آتاي+ مان) آدليم، آتاي= آدلي،(اوغلان آدي)

آذمان: (آذ+ مان) بؤيوك اينسان(آذربايجان ائلينين بؤيوك كيشيلري)، آذ= يئكه، مان= انسان، (اوغلان آدي)

باتمان: (بات+ مان) آغير، بات= باتان، (اوغلان آدي)

باشمان: (باش+ مان) بؤيوك، باشچي(اوغلان آدي)

دانيشمان: (دانيش+ مان) دانيشان، يول گؤسترن، (اوغلان آدي)

قوتمان: (قوت+ مان) اوغورلو، (اوغلان آدي)

كوتمان: (كوت+ مان) اوغورلو، (اوغلان آدي)
مارلمان= مارالمان: ( مارال+ مان) مارال كيمي گؤزل( قيز آدي)
شالمان: ( شال+ مان) يئكه، باشچي( قيز ادي)
داغمان= تاغمان: (داغ+ مان) داغ كيمي (اوغلان آدي)

╭•••••••••••••••••••••• ••••••••••╮
╰➤@chgrmn

❤ 2

Post #5403 28 Sep 22, 2026, 08:59 UTC

Forwarded from یعقوب ملک زاده

سالاملاروسایقیلار
سایین اوستاد
زحمت اولماسابویورون
مان حاقیندادابیرآچیقلاماوئریز
بو(اک)هاراداگلیر،معناسی،ایشی ندیر

Post #5402 34 Sep 22, 2026, 07:15 UTC

🍎🏃📚✏️

آغ سینجان :

اوت. تانیدیغیمیز سینجان کوْلو یوخسا آغاججیغیدیر

آنجاق بو سینجان کوْلوندان ساری کیتیرگه اله گلیر.

باشقا آدی : پامبیق سینجان. سینجان.

فا : گَوَن کتیرا.

لاتین : Astragalus verus یوخسا astragalus gossypinus.

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

Post #5401 24 Sep 22, 2026, 07:12 UTC

🍎🏃📚✏️

سیٌنجان :

اوت. قوراقلیغا دایاناقلی ، 80 سانت

بوْی آتابیلن، یاناغی، آغ و گؤی گوٌللری اوْلان

وه بال آریلاری طرفیندن چوْخ سئویلن،

گؤوده سیندن تیکیرگه آلینان، حکیملیده بؤیره ک چالیشماسینا و کؤکس قفسه سینه فایدالی اولان بیر جور تیکانلی چالی.

فا : گَوَن.

لاتین : Astragalus.

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

Post #5400 26 Sep 22, 2026, 06:09 UTC

🍎🏃📚✏️

80-جى درس
فعللر (9)
فعللرين نوْعلارى:
هر ايشين بير ايش گؤره نى (فاعيل), بير ده واسيطه سيز تامامليغى (تأثيرلى فعللرده مفعولو) اوْلار. بو ايكى عاملين بيرينين اوْلوب اوْلماماسى, اوْنلارين نئجه اوْلماسى و هابئله بيرى- بيرينه مناسيبتى فعللرين نوْعلارينى يارادار.
فعللرين نوْعلارى:
1. معلوم نوع
اگر فعلين ايش گؤره نى معلوم اوْلسا, اوْنا معلوم فعل دئيرلر. هم تأثيرسيز, هم ده تأثيرلى فعللر معلوم اوْلار:
تأثيرسیز معلوم فعل: آيدا گلدى.
تأثيرلی معلوم فعل: آيدا درسينى اوْخودو.
2. مجهول نوع
اگر ايش گؤرن معلوم اوْلماسا, فعله مجهول دئيرلر. بو فعللرده مفعول, يعنى واسيطه سيز تامامليق فاعيلين يئرينى توتار و ناييب فاعيل آدلانار. بونا گؤره ده واسيطه سيز تامامليغى اوْلمايان تأثيرسيز فعللرين مجهول نوْعو اوْلماز و يالنيز تأثيرلى فعللرين مجهول نوْعو اوْلار:
"ايدمانچى اوْيوندان قوْوولدو." جومله سينده اصل ايش گؤرن معلوم دئييل, بوْنا گؤره واسيطه سيز تامامليق اوْلان "ايدمانچى" فاعيلين يئرينى توتموشدور و ظاهيرده ايش گؤرن و مبتدا آدلانير.
مجهوللوق آنلامى فعللرين اصلينده اوْلمور, بلكه معين اکلر واسيطه سيله تأثيرلى فعللر مجهول اوْلور و تأثيرسيز فعللر اوّلجه تأثيرلى, سوْنرا مجهول اوْلور. ديليميزده معلوم فعللرى مجهول ائتمك اوٌچون ايشلنن اکلرين لاپ اؤنمليلرى بونلاردير:
1. يل (il), يل (ıl), ول (ol), ول (öl):
بو اکلر ساده, تأثيرلى فعللرين كؤكلرينه آرتيريليب, اوْنلارى مجهول ائدر. فعلين كؤكو سسلى ايله بيتسه, فعل ايله اک آراسيندا بير "ى" گلر: يازدى> ياز+يل+دى,   يئدى> يئ+ي+يل+دى.
2. ين (in), ين (ın), ون (un), ون (ün):
بو اکلر ساده فعللرين داها چوْخ كؤكلرى "ل" حرفيله بيتنلره آرتيريليب, اوْنلاردان مجهول فعل يارادار: بيلدى> بيل+ين+دى.
بو اکلر بير سيرا كؤكلرى سسلى ايله بيتن فعللره آرتيريليب اوْنلاردان مجهول فعللر يارادار. آنجاق سسليلرين بيرى دوٌشر: اوْخودو> اوْخو+ن+دو.
تأثيرسيز فعللر اؤنجه تأثيرلى, سوْنرا مجهول اوْلار: يات> يات+ير> ياتير+يل= ياتيريلدى.
"گئت"و "باخ" فعللرينه مجهول علامتى آرتيريلا بيلسه ده (گئديلدى, باخيلدى) اوْنلار مجهول فعل دئييل, شخص سيز (مبتداسيز) جوْمله دوزلدر: يوْلا گئديلدى. ايشه باخيلدى.
اوٌسته گلن يوْللار و اکلرله ساده فعللردن مجهول نوع يارانار, آنجاق دوٌزلتمه فعللردن يالنيز "لا-له" ايله دوٌزلنلر تأثيرلى اوْلور و بونا گؤره فقط اوْنلاردان مجهول نوع دوٌزلتمك اوْلار: باغلاندى, سولاندى, گوٌللندى, ...
بو فعللره مجهول فعل علامتى "يل 4" ده آرتيرماق اوْلار: يوخلانيلدى, ايزله نيلدى, ...
معاصير ديليميزده بو سوْن مجهول فعللر هر ايكى شكيلده ايشلنير: باغلاندى- باغلانيلدى, يوخلاندى- يوخلانيلدى.
قایناق : سس ، صرف کیتابی پروفسور زهتابی-تخلیص ائدن ، سارای خانیم

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

Post #5399 81 Sep 21, 2026, 15:50 UTC

🍎🏃📚✏️

قوتادغو بیلیک (۶جی بؤلوم)

            ۴۲- بایات رحمتی ائردی هالقی اؤزه/ کیلینجی سیلیگ ائردی کیلکی توٌزه
اوْ خالق اوٌچون تانرینین رحمتی ایدی، گؤزل اخلاقلی و دوٌز طبیعتلی ایدی

            ۴۳-توٌزون ائردی آلچاق کیلینجی سیلیگ/ اوووتلوغ باغیرساک آکی کئنگ الیگ
اصیل طبیعتلی آلچاق کؤنوللو گؤزل اخلاقلی ایدی، حیالی ، اسیرگه لی(مرحمتلی) سخاوتلی ایدی.

            ۴۴-یاغیز یئر یاشیل کؤکته ائردی کوٌسوٌش/آنگار بئردی تانگری آغیرلیک اوٌکوٌش
قارا یئرده ده گؤگ گؤیده ده عزیزایدی، ، تانری اوْنا چوْخ دگر وئرمیشدی.

            ۴۵- باشی ائردی اؤنگدون کاموغ باشچیکا/ کدین بولدی تامغا کاموغ ساوچیکا
اوْ بوٌتون باشچیلارین اؤنونده باش ایدی، سونرادا بوتون ساوجیلارین سوْنو اوْلدو.

            ۴۶- کؤنگول بادیم ائمدی آنیگ یولینگا/ سئویپ سؤزی توٌتتوٌم بوٌتوب کاولینگا
اوْنون یوْلونا ایندی کؤنول باغلادیم ، بوٌتون دئدیکلرینی ایناندیم، سئوه ره ک سؤزونو توتدوم

            ۴۷- ایلاهی کودئزگیل منینگ کؤنلومو/ سئووگ ساوچی بیرله کوْپور کوْپغومی
ایلاهی منیم کؤنلوٌمدن هادیر اوْل ، قییامتده منی سئوگیلی ساوجی(پئیغمبر) ایله بیرلیکده محشور ائت.

            ۴۸- قییامتده کؤکیت توْلون تئگ یوٌزون/ الیگ توتتاجی قیل ایلاهی اؤزون
قییامتده دوْلون آی کیمی اوٌزونو گؤرست، ائی تانریم اوْنو منه شفاعتچی قیل

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

❤ 1

Post #5398 29 Sep 21, 2026, 08:26 UTC

Forwarded from 🇦🇿Bütövlük Körpüsü 📚 📖

🇦🇿❤️
📺👧👦🧒

10 ƏŞYA TAPMACASI
( AĞILLI UŞAQ)

#Bütöv_Azərbaycan
💙
❤️
💚

❤ 2

Post #5397 28 Sep 21, 2026, 08:08 UTC

Forwarded from 🇦🇿Bütövlük Körpüsü 📚 📖

🇦🇿❤️
📺👧👦🧒

BARMAQLARIN SÖHBƏTİ 👋🖐️

#Bütöv_Azərbaycan
💙
❤️
💚

❤ 2

Post #5396 82 Sep 21, 2026, 07:17 UTC

🍎🏃📚✏️

قوتادغو بیلیک (۵جی بؤلوم)

۳۱- توٌزوٌ دؤرت ائشینگه توٌمن مینگ سلام/تئگورگیل کئسوکسوٌز اولام
اوْنون دؤرت آرخا داشینین هر بیرینه آرالیکسیز، دواملی، ساییسیز سلام یئتیر.

۳۲- اولوغ کوٌنده کؤرکیت اوْلارنینگ یوٌزین/ ائلیگ توتتاچی کیلغیل ائدگو سؤزین
          اولو گوٌنده اوْنلارین اوٌزونو گؤرست، شفاعتلرینی منه یاردیمچی قیل.

۳۳-سنی ائردوٌکوٌنگ تگ اؤگومز اؤزوم/ سنی سن مت اؤگگیل کسیلدی سؤزوم.
          سنی اوْلدوغون کیمی مدح ائده نمیرم، سنی سن اؤزون مدح ائت سؤزوم کسیلدی

یالاواج علیه السلام اؤغدیسین آیور / پئیغمبر علیه السلامین مدحینی دئییر

۳۴- سئووگ ساوچی ایدتی باغیرساق ایدی / بوْدوندا تالوسی کیشیده کئدی
          اسیرگه ین تانریم خالقین ان سئچگینی و آداملارین ان یاخشی اوْلان سئوگیلی پئیغمبرین گؤندردی.

۳۵- یوْلا ائردی خالکا کارانگکو توٌنی/   یاروکلوکی یادتی یاروتتی سنی
          اوْ قارانلیق گئجه ده خالقا چیراغ ایدی ، یان-یؤوره یه ایشیق ساچدی و سنی آیدینلاتدی

۳۶- اوْکیچی اوْل ائردی بایاتتین سانگا / سن اؤرتو کؤنی کیردینگ تونگا
          اوْ سنه تانری طرفیندن گؤندریلدیُ اوْخوجو ایدی آی ایگیت! سن بو کؤلگه ده دوْغرو یوْلا گیردین
۳۷- آتاسین آناسین یولوغ قیلدی اوْل/ تیلئک اوٌممت ائردی آیو بئردی یوْل
          آت-آناسینی فدا ائتدی، اوْنون دیله گی یالنیز خالق ایدی، خالقا یوْل گؤرسه تدی.
۳۸- کوٌنوٌن یئمه دی کؤر توٌنوٌن یاتمادی/ سنی کولدی رابدا آدین کولمادی
          گوٌندوز یئمه دی گئجه یاتمادی تانریدان سنی ایسته دی باشقا بیر زاد ایسته مه دی

۳۹- سنی کولدی توٌن کوٌن بو امگک بیله/ آنی اؤگ سن ائمدی سئوینچین تیله
          امَک ایله گئجه-گوندوز سنی ایسته دی، ایندی سن اون اؤگگیلن(مدح ائله) اونون راضیلیغین ایسته

۴۰-کاموغ کادغوسی ائردی اوٌممت اوٌچون/ کوتولماق تیلر ائردی راحات اوٌچون
          بوٌتون قایغیسی خالق ایدی خالقی دینجه لتمک اوٌچون، اوْنلارین عذابدان قورتولماغینی ایسته ییردی

۴۱- آتادا آنادا باغیرساق بوْلوپ / تیلر ائردی توتچی بایاتتین کوْلوپ
          آتادان آنادان مرحمتلی و اسیرگه لی ایدی، تانریدان دبیللی بونو ایسته ییردی

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

❤ 1

Post #5394 101 Sep 20, 2026, 16:47 UTC

🍎🏃📚✏️
اوْ گئجه بیر «شهریار» دوْغولدو.
محمدحسین اؤز ائولریندن آیاغین ائشیگه قوْیدو تئهرانا یوْللاندی. تزه یوٌکسک اوْخولو قورتارمیشدی . آیدین گله جگی اؤز اؤنونده گؤروردو. اوْ ایسته ییردی دارالفنون دا «طب» اوْخوسون. نه دئمک یاشاییش دبیللی تؤکولن نقشه لر و ائله دیگین آرزیلار ایله قاباغا گئتمز. بیر عشق سینیغی اؤزونه تؤکدوغو نقشه لری بیربیرینه ووروب و یاشاییشدا یوْلونو دَییشدی. اوْخودوقلاری «طب» درسلرینی قورتولا قورتولدا یاری یوْلدا قوْیوب اؤز آلین یازیسینین دالیجاق قاباغا یوٌرودو. ایلک دؤنه خوراسانین «ثبت احوال» اداره سینده سوْنرالار تهرانین کشاورزی بانکیندا ایشه باشلادی.
«طب»ی باشینا بوراخاندان سوْنرا شعر یاواش یاواش محمد حسینه بیر سیغیناجاق اوْلدو. ادبی محفیللره گئت-گلی چوْخالدی، فارسجا یازان مشهور شاعیرلر ایله اوْتوروب دوردو و شعرلری بیری بیریسنینین دالیجاق یاییملاندی. تئزلیکله یئترلیگی گؤروندو و بو تبریزلی شاعیرین آدی «شهریار» تخلوصو ایله دیللره دوٌشدو. آلقیشلار بیله سینه چوْخ شیرین ایدی. آدینی دیللردن ائشیدیردی، شعیرلری اوْخونوردو و یاواش یاواش اینانمیشدی آرزیلادیغینین ذیروه سینه چاتیبدیر.
گوٌنلر بیربیریسنینین دالیجاق گلیب سوْووردولار اوْنون شعیرلری دالبادال یایملانیردی، آدی چوْخراق ائشیدیلیردی و محمدحسین آرتیقراق شهرت شیرینیلیگینین ایچینه جوموردو. آما گوٌن اوْ گوْن اوْلدو آناسی اوْغلونو گؤرمک اوٌچون تئهرانا گلدی. بو گؤروش باشقا گؤروشلر ایله فرقلی گؤرونوردو آنا اوْغلونون اوشاقلیغیندان دانیشیردی و محمدحسین اؤز شعرلریندن و بو شعرلرین ایاقجاسییلا شؤهرته یئتیشمه ییندن. آنا اوْغلوندان ایسته دی او اوٌره یه یاتیم شعرلریندن بیرینی بیله سینه اوْخوسون. محمدحسین ده بو ایشی یئرینه یئتیردی. آناسی شعیره دیققتله قولاق آسدی. شعیر سوْنا چاتاندان سوْنرا، آنا لحظه لر سسسیزلیکدن و اؤزونه جوماندان سوْنرا بیله سینده دبیللی اوْلان مهربانلیقلا دئدی :
- اوغلوم! کئشکه من ده ائلییه بیلردیم سن قوْشان شعیرلری یئیراق دوٌشونردیم.
محمدحسین بیر سؤز دئمه دی. آنانین جوٌمله سی ساده ایدی. ووجودونون درینلرینه جوموب اؤزونه یئر ائله دی. سانکی بیری ایللر باغلی قالان بیر قاپینی آچمیشدی.
بؤیوک شاعیرلر شعیرلرینی دوٌشونوردولر، آلقیشلاییردیلار بیله سینه چپیک چالیردیلار اما ایلک یاشاییش گونلرینی و آغیز آچیب دانیشدیقلارینی ائشیدن آنا ائلییه بیلمیردی اوْغلونون شعیرلری ایله آیاق به آیاق اوْلسون. بوردایدی کی محمدحسین دویدو کی هله یاماج دادیر ذیروه یه یئتیشمک اوٌچون بیر زادی اونودوبدورُ بیر دگرلی بیر زادی، قولاغینین دیبینده آما چوْخ اوزاقلاردا. بورادا آلقیشلار آنلاملارین الدن وئردیلر و اوْ چیغیر باغییرلی و شؤهرتلی بؤیوک تهران نظرینه بوْش و قریب گلدی.

اوْگوٌنون صاباحی آنا تبریزه قاییتدی و محمدحسینی اوشاقلیق خاطیره لری ایله تک قوْیدو. محمد حسین تک تکینه اوْتورموشدو. بیردن بیره اوْنون اینجه روحو تئهراندان قوْپاریلیب خوشگنابین گؤزل طبیعتینه قاناد چالدی و حیدر بابا داغینین اتگینده دوْلانماغا باشلادی. گؤی گوٌرولده ییردی سسی هر یانا داغیلیردی، ایلدیرملار دالبادال چاخماقلاری ایله چئوره نی ایشیقلاندیریردیلار، یاغیش دا یاغماقدایدی. داغ اتگیندن یاغیش سولاری گوٌرولتو ایله آشاغییا ساری آخیردیلار. قیزلار دا بیر یئرده دوروب بو طبیعتین یاراتدیغی گؤزه للیگه باخیردیلار. بو گؤرونتولرین ایچینده محمدحسین بیر اوشاغی گؤروردو کی بیر آغاج بوداغینی اؤزونه آت ائله ییب چاپیردی، او اوشاغین آدی محمد حسین ایدی.
محمد حسین خاطرات چانتاسینی آلت اوست ائدیردی. دئیه سن آناسی قاپینی آچیب محمدحسینین اوشاقلیغی اوْتاغا گیرمیشدی. اختیاری اوْلمادان الی کاغیز قلمه گئتدی اوْنلاری قاباغینا چکدی بئینینه گلن هانسی بیر زادی یازییا گتیردی :
حیدربابا، ایلدیریم‌لار شاخاندا
سئل‌لر، سولار شاققیلدیییپ آخاندا
قیزلار اوْنا صف باغلیییپ باخاندا

بئله لیکله «حیدربابایا سلام» محمد حسین شؤهرته یئتیشن تهراندا دوْغولدو. شعر یاییملاناندان سوْنرا چوْخ چوْخ سئویلدی. شهریار داها تکجه فارسی دئین شاعیر ده ییلدی آدی دره لری تپه لری داغلاری آشیب سینیرلاردان دا کئچدی.
«حیدر بابا» شعیری یئنیدن شعر دیلی، دویقو و ادبی یارادیجیلیغی اوْلدو. آنجاق اوْکی بو شعیری قالارگی ائله دی ادبی گؤزللیگیندن ساوای زامانیندا قوْشولان شعیرلر ایدی. بو آنلامدا او ْزامان پهلوینین دیل و کوٌلتور سیاستی توٌرکجه دیلی قیراغا قووالامیشدی. شهریار تئهراندا رئژیمین قودرت مرکزینده اؤزونه قاییتماغی ایله و اؤز آنا دیلینده شعیر دئمه گی ایله پهلوی رئژیمینین قاباغیندا دورموشدو. بو اوْنو گؤرستدی : «داش قیریلیر، توٌنچ اریییر، آما توٌرکلوک ابدی‌دیر»
@TurkUygarligi

╰➤@chgrmn

❤ 3

Post #5393 27 Sep 20, 2026, 14:12 UTC

Forwarded from ترکان خراسان

🎦برگزاری مراسم سنتی (گلین چیخارتماق) توسط تُرک های شهرستان #کلات_نادر/ خراسان رضوی
🎙باهنرمندی : #علی_برومند

@turkanxorasan

❤ 1

Post #5392 59 Sep 20, 2026, 13:42 UTC

🍎🏃📚✏️

قوتادغو بیلیک (۴جو بؤلوم)

۲۳- اوُچوغلی یوْریغلی تینیغلی نئجه / تیریغلو سنینگدین بولوپ یئر ایچه
اوچان، یئریین و دورانلارین هامیسی آذوقلارینی سندن آلاراق یئییب ایچیرلر

۲۴- ائدیز آرشتا آلتین سئراکا تئگی/ اوٌزو بارچا مونگلوغ سانا آی ایدی
یوٌکسک عرشدن آلتداکی توْپراغا قدر بوٌتون هر زاد هامیسی سنه موحتاجدیر ائی رببیم

۲۵- آیا بیرکه بوٌتموش تیلینگ بیرله اؤگ/ کؤنگول بوٌتتی شئکسیز آمول توتگیل اؤگ
ائی تانرینین بیرلیگینه اینانمیش اوْلان اوْنو دیلین ایله اؤگ، کؤنولون قوشقوسوز(شکسیز) ایناندی ایسه عاغلینی ایشه قاریشدیرما

۲۶- نئته لیککه کیرمه   کودئزگیل کؤنکوٌل /      بارینگا بوٌتوٌن بوْلگیل آمرول آمول
نئجه اوْلدوغونو آراما کؤنلونو گؤزه ت وارلیغینا اینان سوٌکوٌن و حوضورا قاووش

۲۷- کالی کانجاکا کیرمه توتگیل اؤزون/ کالی کانجاسیز بیل اوزاتما سؤزونگ
نئجه و نه جور اوْلدوغونا قاریشما، اؤزویون توت، اوْنو نئجه سیز و نه جورسیز بیل، سؤزویون اوزاتما.

۲۸- آی مونگسوز ایدیم سن بو مونلوغ کولوغ/ سویورکاپ کئچورگیل یازوکین کاموغ
ائی زنگین اولان رببیم سن بو موحتاج قولویون شفقتله بوتون گوناهلاریندان کئچ

۲۹- سانگار اوک سیغیندیم اومینچیم سانگا/ مونگادمیش یئریمده ائلیگ توت مانگا
آصیل سانا سیغیندیم اومودو سنده دیر، موحتاح اولدوغوم یئرده الیمدن توت

۳۰- سئووٌگ ساوجی بیرله کوْپورگیل منی/ الینگ توتتاچی کیل کونیلیک کوٌنی
محشر گوٌنو منی سئوگیلی ساوجی(پئیغمبر) ایله بیرلیکده محشور ائت، اوْنو منه شفاعتچی قیل

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

❤ 1

Post #5391 106 Sep 20, 2026, 07:44 UTC

🍎🏃📚✏️

سئرچه :

آد. وحش. دونیانین هر یئرینده اینسانلارا

یاخین یئرده یاشایان، قیشدا کؤچمه ین،

توْخ بو֯ز رنگده اوْلان، کیچیک اؤتوجو قوش.

سئرچه دن قورخان داری اکمز.

خوراسان : چیٌمچیٌق.

ت.ت. بئجه-ت.

فا : گنجشک.

لاتین : Passeridae.

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

❤ 1

Post #5390 23 Sep 20, 2026, 06:55 UTC

Forwarded from Mərvi Türkcə Yazmaq 𐱅𐰇𐰼𐰰 شکیبانلی ممیزکلی مروی تۆرکجه یازماق (Moradı 𐱅𐰇𐰼𐰰 Mərvi Türk)

بۇ گۆن: سۆت گۆنۆ
یکشنبه ۲۹ سنبله, شهریور ۱۴۰۵
سۆت گۆنۆ ۲۹ زۇمار آیؽ ۱۴۰۵
(زۇمار آیؽ=ماه جمع آوری آذوقه زمستانی)
«قوْنشۇ=همسایه»

Pazar 20 Eylül 2026
Sunday 20 September 2026
الاحد ۸ ربیع الآخر ۱۴۴۸
گۆن بخئیر 🌸
گۆن آیدؽن 🌺
⁉️بعضی حۆرمتلی قوْوم لار ، بۇ اینام دا دیر لر کی،
کیتابؽ ادبی تۆرکی دیل
"چوْن کی مروی لهجه ده ائمس"
یاد آل مه یه لی،تۆرکی لغت لر کی مروی لهجه ده ائمس،
یاد آل مه یه لی و استعمال ائت مه یه لی ،و یاد بئرمه یه لی ،
تا کی دیل بیز شۇنی دئی عامیانه بدون کیتابت قالسؽن .

✍️«مروی تۆرکی دیل بیز
و مروی تۆرکی لهجه بیز،
مهم و ارزش لی بیر وارلؽق بیز دی،
شۆنه گؤره،
‼️"مروی تۆرکی لهجه بیزی حفظ ائتیب!
✅کیتابؽ و ادبی تۆرکی دیلی
یاد آله بیز و دیل بیز غنی ائته بیز."»

مروی لر تی وی تقدیم ائته دی
یۇتیوب دا "مروی تۆرک قوْوم لار دان"
مصاحبه و تصویری گزارش.
"Merviler TV" təqdim edir: YouTube-da "Marvi" ailəsinin iştirakı ilə müsahibə və video-reportaj.

#Mervi_Türkler_AnaDil_Mektebi
#Merviler_Tv

https://youtu.be/nhkRcGPuKHs?is=zZMhBg7z8lRUKQH3

Post #5389 14 Sep 20, 2026, 06:55 UTC

Forwarded from شاعرانه فرزندان درگز💚آنوو تۆرکلری (عبدالله غیبی)

چیمچیق çimçiq
سئرچه .سیرچه sırçə.serçə

سوزلر:عبدالله غیبی.کتاب میزان شلپی دن

سئوگیلیم دیئر.نه حد منی.سئورسن
دئدیم چیمچیق.گؤز یاشینی.توکونچه

قوش عشقینه.یاش تؤکۆنچی.اؤلرمیش
من ده اؤلسم .سن کفنیم . بۆچونچه

سئودا... دوست داشتن در حد مُردن

بوچونچا❌️
بوچونچه✔️
توکونچا❌️
توکونچه✔️
چرا ؟چون .. هر دو کلمه اینچه سسلی) هستند
بارینجا✔️
بارینچه❌️
قارینچا✔️
قارینچه❌️
چرا هر کلمه آخر بارینچا قارینچا تیک صحیح خورد
و بجای ه اخر الف استفاده شد
چون هردو کلمه آخر یوغون .قالین سسلی هستند ..
صحیح نوشتن کلمات تورکی
خودمان معلم خودمان شویم و هر آنچه آموختیم در اختیار دوستانمان قرار بدیم

🕊کانال شاعرانه های فرزندان درگز🕊

@abdollgheibishaeraney

Post #5388 39 Sep 20, 2026, 06:31 UTC

🍎🏃📚✏️

قوتادغو بیلیک (۳جو بؤلوم)

            ۱۶-آنینگ اوْکشاغی یوْک آزو منگزگی/ نئته گلیککه یئتمز خالاییق اؤگی
اوْنون ائشی یوْخسا بنزری یوْخدور، نئجه اوْلدوغونا مخلوفلارین عاغلی ائرمز

            ۱۷- یوْریماز نه یاتماز اودیماز اودوغ /نه منگزگ نه یانگزاغ کؤتوٌرمز بوْدوغ
یوٌروٌمز، یاتماز، اویوماز، اویانیقدیر، نه بنزر نه قیاس ائدیلیر، نه ده تصوور گؤتورور.

            ۱۸- کدین اؤنگوٌن ائرمز نه سولدین اوْنگون / نه آستین نه اوٌستون نه اوْترو اوْروُن
آرخادا یوْخسا اؤن ده دَییلدیر، نه ساغدادیر نه سوْلدا، یئری نه آلتدا نه اوٌستده، نه ده اوْرتادادیر.

            ۱۹- اوْروُن اوْل تؤروتتی اوْرون یوْخ آنگار/ آنینگسیز اوْروُن یوْک بوٌتوٌن بوْل مونگار
یئری او یاراتدی اوْنون اوٌچون یئر سؤز-سؤهبتی دَییلدی. بونو بیل کی اوْنسوز دا یئر یوْخدور

            ۲۰- آی سیرکا یاکین آی کؤنگولکه ائدیز/ تانوک اوْل سانگا بارچا سوره ت بئدیز
ائی هر سیررا یاخین، ائی هر کؤنول اوٌچون یوٌکسک تانری، بوتون صورت و شکیللر سنه شاهیددیر.

            ۲۰- تؤروٌتونگ توٌمن مینگ بو سانسیز تیریگ / یازی، تاغ تنگیز، کؤتکی اوْپری ییریگ
بو سایسیز یوٌز مینلرجه جانلینی اوْوا، داغ، تپه، دنیز و چوخورلاری سن یاراتدین

            ۲۱- یاشیل کؤک بزه دینگ توٌمن یولدوزون / قارا توٌن یاراتدین یاروق کوٌندوزون
ماوی گؤیو، سایسیز اولدوزلار ایله بزه دین، قارانلیق گئجه نی ایشیقلی گوٌندوز ایله آیدینلاتدین

            ۲۲- اوُچوغلی یوْریغلی تینیغلی نئجه / تیریغلو سنینگدین بولوپ یئر ایچه
اوچان، یئریین و دورانلارین هامیسی آذوقلارینی سندن آلاراق یئییب ایچیرلر

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

Post #5387 20 Sep 19, 2026, 16:41 UTC

🍎🏃📚✏️

79-جو درس

فعل (8)
تأثيرلى و تأثيرسيز فعللر " گئچیشسیز (لازيم) و گئچیشلی (متعددى)":
*تأثيرلى فعللرين نوْعلارى:
تأثيرلى فعللرى ايكى دسته يه بؤلمك اوْلار:
الف) ساده و دوٌزلتمه فعللرين بير قيسمى معلوم نوْعدا, هئچ بير خصوصى علامته ماليك اوْلمادان تأثيرلى اوْلور: گؤر, بيل, آت, ديشله, تميزله, ايزله, ...
ب) ساده و دوٌزلتمه فعللرين بير قيسمى معلوم, قاييديش و قارشيليق نوْعلاردا خصوصى شكيلچيلر آلماقلا تأثيرلى اوْلور: قاچ - قاچير, يات- ياتير, ...
تأثيرسيز فعللرين معلوم نوْعونا آشاغيداكى شكيلچيلرى آرتيرماقلا تأثيرلى اوْلار:1. "ت": سسلى ايله بيتن تأثيرسيز فعللره "ت" آرتيرماقلا تأثيرلى ائتمك اوْلار: اوْخشا - اوْخشات, ياشا - ياشات, ...
بو "ت" علامتينى "آل- ال" شكيلچيلريله دوٌزلن تأثيرسيز فعللره آرتيرساق, اوْنلار دا تأثيرلى اوْلور: آزال - آزالت, سارال- سارالت, ...
"لا-له" اکی ايله دوزلميش تأثيرلى فعللرده "ت" آرتيريلسا, يئنه ده تأثيرلى اوْلاراق قاليرلار: باشلا - باشلات, ...
2. آر - أر: ساميتله بيتن تك هئجالى تأثيرسيز فعللره "آر - أر" آرتيرديقدا تأثيرلى فعللر يارانار: چيخ- چيخار, قوْپ - قوْپار, ...
بو فعللره "ت" آرتيريلسا دا, فعلين معناسى دييشمز: چيخارت, قوْپارت, ...
3. ير (ir), يٌر (ır), ور (ur), وٌر (ür): ساميتله بيتن بعضى تأثيرسيز فعللره بو اکلرى آرتيرماقلا تأثيرلى فعللر دوٌزلير: قاچ - قاچير, آش - آشير, ...
بو فعللره "ت" آرتيريلسا, معنالاريندا هئچ بير دييشيكليك اوْلماز: قاچيرت, آشيرت, ...
4. دير (dir), ديٌر (dır), دور (dur), دوٌر (dür):
بو شكيلچيلر هم خبر علامتى دير, هم ده فعللرى تأثيرلى حالا سالير. فعللرى تأثيرلى حالا سالاركن ايكى مسئله يه فيكير وئريلمه ليدير:
الف) بو اکلر بوٌتون تأثيرلى فعللرده تأثيرلى ليك درجه سينى آرتيرماقلا فعله ايكينجى بير غيرمستقيم تامامليق ياراتماقدا قوللوق ائدير: "بو كيتابى حسنه يازدير." جومله سينده تأثيرلى "ياز" فعلى ايكى قات تأثيرلى اوْلدوغو اوٌچون (يازدير), جوٌمله يه غيرمستقيم تامامليق (حسنه) آرتيريلميشدير.
ب) بو اکلر بوٌتون تأثيرسيز معلوم, قاييديش و قارشيليقلى فعللرى, هئچ بير ايجبار مضمونو ايفاده ائتمه دن, تأثيرلى فعل ائدير.
تأثيرسيز معلوم فعللر: اسدير, سوْلدور, ديندير, چاشدير, ...
تأثيرسيز قاييديش فعللر: يويوندور, سوْيوندور, سئويندير, ...
تأثيرسيز قارشيليقلى فعللر: باريش- باریشدیر, گؤروشدور, دوْلاشدير, ...
5. دار - در: بو اکلر بعضى تأثيرسيز فعللردن تأثيرلى فعللر يارادار: قوْن- قوْندار, دؤن - دؤندر, ...
6. يز (iz), يٌز (ız), وز (uz), وٌز (üz): بو اکلر ده بعضا تأثيرلى فعللر يارادار: قالخ- قالخيز, چيم- چيميزدير, ...
قایناق : سس ، صرف کیتابی پروفسور زهتابی-تخلیص ائدن ، سارای خانیم
╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

Post #5386 24 Sep 19, 2026, 16:11 UTC

Forwarded from 🇦🇿Bütövlük Körpüsü 📚 📖

Düzgün danış...

#Bütöv_Azərbaycan
💙
❤️
💚

Post #5385 100 Sep 19, 2026, 15:39 UTC

🍎🏃📚✏️

قوتادغو بیلیک دیزینی (۲نجی بؤلوم)

۸- آیا بئر بیریکمز سانگا بیر آدین/ کاموغ آشنودا سنسن اؤنگدوٌن کئدین
            ائی بیر اوْلان تانری بیر باشقاسی سنه شریک قوْشولماز/ باشدا هر زاددان اوّل و سوْندا هر زاددان سوْنرا سنسن.
۹-ساکیشکا کاتیلماز سنینگ بیرلیکین/توٌزوٌ نئنگکه یئتدی بو ارکلیگلیکین
            سنین بیرلیگین حسابا گلمز ، بو قودرتین هر زادا حاکیمدیر
۱۰- سئزیکسیز بیر اؤک سن آی منگو ائچو/کاتیلماز کاریلمازساکیشکا سئچو
            سن قوْشقوسوز بیر سن ائی سوْنسوز تانری، استثنا سایییا گلمز
۱۱- آدی ایچ تاش بیلگیلی آی حاق الیقین/کؤزومده ییراک سن کؤنگولکه یاکین
            ائی ایچری و ائشیگی بیلن ائی حق الیقین، گؤزدن اوزاقسان کؤنوله یاخین
۱۲-بارینگ بئلگوٌلوٌگ کوٌن آی تگ یاریک/نئتئگلیککه یئتگوٌ کؤنوٌل اؤگده یوْک
            سنین وارلیغین پارلاق گوٌنش و آی کیمی بللیدیر،یالنیز نئجه اوْلدوغونو قاورایاجاق کؤنول و عاغیل یوْخدور
۱۳- نه ارسه دین ائرمز سنینگ بیلیکین/نه ارسه لریگسن تؤروٌتتوٌن سنینگ
            سنین بیرلیگین اشیا ایله ایلگیلی دَییلدیر، اشیانی سن یاراتدین اونلار سنیندیر
۱۴- کاموغ سن تؤره تونگ نه ارسه لریگ/ یوکدور نه ارسه سن اؤک سن تیریگ
            هر وارلیغی سن یاراتدین، وارلیق یوْخ اوْلور قالارگی قالان یالنیز سنسن
۱۵- تؤره تگن بارینگا تؤره تمیش تانوک/تؤروٌموش ایکی بیر تانوکی آنوک
            یارادیجی وارلیغینا یارادیلمیش اوْلانلار شاهیددیر،یارادیلان ایکی- بیرین شاهیدیدیر

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

❤ 1

Post #5384 86 Sep 19, 2026, 13:04 UTC

🍎🏃📚✏️

قوتادغو بیلیک دیزینی

اسکی توٌرکجه : تانری عز و جلّه اؤغدیسین آییور
گوٌنوموزون توٌرکجه سی : تانری عز و جلاله یه مدحینی دئییر
اسکی توٌرکجه :بایات آتی بیرده سؤزوک باشلادیم تؤروتگن،ائگیتگن کئچوٌرگن ایدیم
۱-یارادان، یئتیشدیرن،گؤچورگن ربیم اولان تانری آدییلا سؤزه باشلادیم.

اسکی توٌرکجه :اوٌکوٌش اؤگدی بیرله توٌمن مینگ ثنا / اوغان بیر بایاتکا آنگار یوْخ فنا
۲-قادیر و بیر اوْلان تانرییا چوْخ و مینلرجه ثنا اوْلسون، اوْنون اوٌچون فانیلیک یوْخدور.
اسکی توٌرکجه : یاغیز یئر یاشیل کؤک کوٌن آی بیرله توٌن/ تؤروتدی خلاییق اؤد اؤلک بو کوٌن
۳-قارا یئر ایله ماوی گؤیو، گونش ایله آیی،گئجه ایله گوندوزو،زامان ایله زمانه نی و مخلوقاتی او یاراتدی
اسکی توٌرکجه: تیله دی تؤروتدی بو بولمیش کاموغ / بیر اؤک بوْل تئدی بوْلدی کولمیش کاموغ
۴-ایسته دی و بوتون بو پارلیقلاری یاراتدی، بیر کره«اوْل» دئدی. بوٌتون دیله دیکلری اوٌلدو.
اسکی توٌرکجه :کاموغ بارچا مونگلوغ تؤرتوٌلمیشی/ مونگی یوخ ایدی بیر آنگار یوخ ائشی.
۵-بوتون بو یارادیلمیش اولانلار اونا موحتاجدیر/ موحتاج اولمایان یالنیز تانریدیر، اونون ائشی یوخدور.
اسکی توٌرکجه :آی ارکلیگ اوغان منگو مونگسوز بایات/ یاراماز سنینگدین آدینکا بو آت.
۶-ائی قووتلی قادیر ابدی و مستغنی اوْلان تانری سندن باشقاسینا بو آد یاراشماز.
اسکی توٌرکجه :اولوقلوق سانگا اوْل بئدوکلوک سانگا/ سنینگدین آدین یوک سانگا توش تنگه.
۷-اولولوک و بؤیوکلوک سنه مخصوصدور، سنه ائش و دنگ اوْلان باشقا بیری یوْخدور.

╭•••••••••••••••••••••• ••••••••••╮
╰➤@chgrmn
                                                 #تورکجه_دانیش_ائلنن_باریش
                                                  #تورکجه_یازاق_ائلنن_قالاق
                                                  #کیملیییمیزه_بیرگه_دالاق
╰••••••••••••••••••••••••••••••••╯

❤ 1

Older posts →