​​💔21 траўня – Дзень салідарнасці з палітвязнямі Беларусі

Праваабарончы цэнтр «Вясна» вызначыў 21 траўня Днём салідарнасці з палітзняволенымі Беларусі. У гэты дзень тры гады таму ў шклоўскай калоніі №17 памёр палітвязень Вітольд Ашурак. Станам на 21 траўня праваабаронцы паведамляюць аб 1374 людзях, прызнаных у Беларусі палітвязнямі. Акрамя таго, у турмах утрымліваецца шмат людзей, якія не былі прызнаныя палітвязнямі, аднак іх пераслед з боку ўладаў мае палітычныя матывы.

У сваю чаргу Цэнтр беларускай салідарнасці робіць усё магчымае, каб дапамагчы былым палітвязням, якія наважыліся на пераезд, адаптавацца да жыцця ў Польшчы. За час нашай працы мы дапамаглі вялікай колькасці былых вязняў сумлення легалізавацца ў новай краіне, а дзеці былых і цяперашніх палітзняволеных наведваюць нашу школу дадатковай адукацыі.

З нагоды гэтага дня ў розных гарадах Польшчы запланаваныя акцыі салідарнасці. Далучайцеся да іх! Падрабязнасці па спасылцы https://prisonersday.info/