📱 Вашы рэцэпты, накіраванні і медыцынская інфармацыя — у адным месцы! Вучымся карыстацца IKP.

Запрашаем людзей старэйшага ўзросту з Беларусі і Украіны на трэцюю, заключную сустрэчу з цыклу практычных заняткаў, прысвечаных электронным сэрвісам у Польшчы.

🏥 21 кастрычніка будзем вучыцца карыстацца Internetowe Konto Pacjenta (IKP) — электронным кабінетам пацыента, які дазваляе знаходзіць рэцэпты, накіраванні да лекараў, інфармацыю пра лячэнне і іншыя медыцынскія даныя.

🔎 Пра што даведаемся на сустрэчы?

🔹 Як увайсці ў IKP і карыстацца мабільным дадаткам mojeIKP.
🔹 Дзе знаходзіць электронныя рэцэпты (e-recepty), правяраць прызначаныя лекі і гісторыю рэцэптаў.
🔹 Як знаходзіць электронныя накіраванні (e-skierowania) да лекараў-спецыялістаў і на абследаванні.
🔹 Дзе праглядаць інфармацыю пра сваё лячэнне і гісторыю медыцынскіх паслуг.
🔹 Якія дадатковыя магчымасці IKP могуць спатрэбіцца ў паўсядзённым жыцці.
🔹 Як абараняць свае асабістыя і медыцынскія даныя.

📲 Галоўнае — не толькі паслухаць, але і паспрабаваць самастойна!

Вазьміце з сабой смартфон. Мы разам пройдзем усе асноўныя этапы, пакажам, дзе і што шукаць, адкажам на пытанні і дапаможам разабрацца з незнаёмымі функцыямі.

📅 Калі і дзе?

21 кастрычніка 2026 года (серада)
Пачатак: 13:30
Працягласць: каля 2 гадзін
📍 Цэнтр Беларускай Салідарнасці
ul. Oleandrów 6/2, Warszawa


📝 УДЗЕЛ БЯСПЛАТНЫ

💙 Сучасныя тэхналогіі павінны дапамагаць, а не ствараць цяжкасці. Прыходзьце, каб навучыцца ўпэўнена карыстацца электроннымі медыцынскімі сэрвісамі і быць больш самастойнымі ў паўсядзённых справах!

Чакаем вас у Цэнтры Беларускай Салідарнасці!