Цэнтр Беларускай Салідарнасці (CBS)

Нашы васьмікласнікі старанна рыхтуюцца да egzaminu ósmoklasisty і займаюцца англійскай, каб упэўнена справіцца з экзаменам 📚

А пакуль яны вучацца, вырашылі падзяліцца крыху ведамі і з вамі 😉

Сабралі некалькі папулярных англійскіх выразаў, якія можна пачуць у жывой мове, і падабралі да іх беларускія адпаведнікі.

🔸 Go big or go home → Або пан, або прапаў.
🔸 The ball is in your court → Цяпер твой ход.
🔸 Not my first rodeo → Не першы раз замужам.
🔸 Easier said than done → Лёгка сказаць, ды цяжка зрабіць.
🔸 It is what it is → Што ёсць, тое ёсць.

Магчыма, сёння і ў вашай скарбонцы англійскай з’явіцца нешта новае 🫶

ЦБС запрашае вас на незвычайную экскурсію па Варшаве!

Гэтым разам будзем не проста разглядаць знакамітыя мясціны, а шукаць жанчын, якія стаялі за вялікімі гісторыямі.

Аўтарская экскурсія «Cherchez la femme» («Шукайце жанчыну») — гэта прагулка па Кракаўскім Прадмесці, гісторыі вядомых асобаў, размова пра ролю жанчын у часы, калі іх правы былі вельмі абмежаваныя, і, вядома, пяць гісторый пра каханне ❤️

Паспрабуем даведацца, што звязвае Каперніка, Шапэна, Марыю Кюры, Марыю Валевскую і каралеву Марыю Людвіку Ганзага.

📅 3 кастрычніка
🕐 13:00
📍 ля помніка Каперніку
Krakowskie Przedmieście, Warszawa

Далучайцеся — будзем знаёміцца з Варшавай і яе гісторыямі разам 💛

🇬🇧 Стартуем ужо ў гэтую пятніцу!

У ЦБС пачынаецца новая група англійскай мовы для былых палітзняволеных з узроўнем A1.

📅 Старт — 25 верасня
Заняткі: аўторак і пятніца
🕠 Пачатак: 17:30

Група падыдзе тым, хто ўжо мае базавыя веды англійскай: ведае простыя словы і выразы, крыху знаёмы з граматыкай, але хоча сістэматызаваць веды, пашырыць слоўнікавы запас і больш упэўнена карыстацца мовай.

❗️Колькасць месцаў абмежаваная.

Калі даўно хацелі вярнуцца да англійскай і нарэшце пачаць размаўляць больш упэўнена — далучайцеся!

📩 Для запісу пішыце ў Telegram @cbs_education.

📱 Як запісацца да лекара анлайн? Дзе знайсці электронны рэцэпт? Як карыстацца mObywatel і Profil Zaufany?

Запрашаем людзей старэйшага ўзросту з Беларусі і Украіны на бясплатны цыкл практычных заняткаў, дзе будзем разам разбірацца з электроннымі сэрвісамі ў Польшчы.

Усё — простай мовай і на канкрэтных прыкладах. Не хвалюйцеся, калі не вельмі ўпэўнена карыстаецеся смартфонам: будзем праходзіць кожны крок разам, спрабаваць на практыцы і адказваць на пытанні.

📍 Цэнтр Беларускай Салідарнасці
ul. Oleandrów 6/2, Варшава

📅 23 верасня — першая сустрэча
🕜 Пачатак у 13:30
⏱ Працягласць — каля 2 гадзін

Наступныя сустрэчы: 7 і 21 кастрычніка.

📝 Удзел бясплатны, уваход вольны.

Прыходзьце самі і раскажыце тым, каму гэтыя веды могуць спатрэбіцца 💛

У ЦБС працягваюцца бясплатныя заняткі польскай мовы для былых палітзняволеных — у невялікіх групах і ў спакойнай, падтрымліваючай атмасферы.

І зараз у нас ёсць вольныя месцы ў групе для пачаткоўцаў. Яна падыдзе тым, хто робіць першыя крокі ў польскай: будзем разбірацца з асновамі, папаўняць слоўнікавы запас і паступова пераходзіць да жывой размовы.

🗓 Заняткі праходзяць па серадах і пятніцах у дзённы час.

Хочаце далучыцца? Для запісу пішыце ў Telegram @cbs_education.

Do zobaczenia! 💛🇵🇱

Электронныя сэрвісы ў Польшчы — проста і зразумела.
Бясплатны цыкл для людзей старэйшага ўзросту.

Запрашаем людзей старэйшага ўзросту з Беларусі і Украіны на цыкл бясплатных практычных заняткаў, прысвечаных карыстанню электроннымі дзяржаўнымі і медыцынскімі сэрвісамі ў Польшчы.

На занятках вы навучыцеся:

▶️карыстацца Profil Zaufany і дадаткам mObywatel;
▶️ карыстацца электроннымі дзяржаўнымі сэрвісамі;
▶️ падаваць заявы і атрымліваць неабходныя даведкі анлайн;
▶️ карыстацца Internetowym Kontem Pacjenta (IKP);
▶️ запісвацца да лекараў праз Інтэрнэт;
▶️ знаходзіць электронныя рэцэпты і накіраванні;
▶️ аплочваць падаткі і мясцовыя зборы анлайн;
▶️ бяспечна карыстацца электроннымі дакументамі і захоўваць свае даныя.

📍 Месца правядзення:
Цэнтр Беларускай Салідарнасці
ul. Oleandrów 6/2, Варшава

📅 Першы занятак: 23 верасня
🕜 Пачатак: 13:30 (Працягласць каля 2 гадзін)

Наступныя сустрэчы адбудуцца 7 і 21 кастрычніка.

Для ўдзелу не патрэбныя спецыяльныя веды або ўпэўненае валоданне смартфонам. Усё будзем паказваць на практычных прыкладах, а ўдзельнікі змогуць самастойна паўтарыць неабходныя дзеянні і задаць пытанні.

📝 Уваход вольны.
Дадатковая інфармацыя: @cbs_education

🇵🇱 Адкрываем набор у новую групу польскай мовы для падлеткаў 12+!

Запрашаем на бясплатныя заняткі дзяцей былых палітвязняў.

На занятках будзем вывучаць польскую мову, больш размаўляць, пашыраць слоўнікавы запас і дапамагаць падлеткам адчуваць сябе больш упэўнена ў польскамоўным асяроддзі.

📅 Калі: кожны аўторак
⏰ Час: 17:00–18:40
📚 Два заняткі па 45 хвілін + перапынак 10 хвілін
👧🧑 Узрост: 12+

Удзел бясплатны.

📩 Запіс і дадатковая інфармацыя: Telegram @cbs_education

Будзем радыя бачыць вас у нашай школцы! 💛

❣️Нагадваем, што ў нас можна атрымаць бясплатную канцэлярыю да школы для дзяцей былых палітвязняў.

Калі вы плануеце прыйсці да нас па канц.тавары, то напішыце ў ТГ:
📩 @cbs_education
каб мы разумелі ў які час вы будзеце. Чакаем вас! 🫶🏼

🧸 Раздача рэчаў ад фонду «Прытуляй мяне»!

Дарагія сябры!

Многія ведаюць нас як фонд, які дапамагае былым палітвязням з часовым жытлом. Але наша дзейнасць значна шырэйшая.

💙 Фонд «Прытуляй мяне» падтрымлівае людзей, якія апынуліся ў складанай жыццёвай сітуацыі. Мы дапамагаем беларусам, якія выязждаюць з Беларусі па рэпрэссіях, з адзеннем, абуткам, пасцельнай бялізнай, прадуктамі, інфармацыйнай і псіхалагічнай падтрымкай. І гэта толькі частка таго, чым мы займаемся.

Запрашаем усіх, каму патрэбна дапамога, на бясплатную раздачу рэчаў.

📅 13 верасня (нядзеля)
🕛 12:00
📍 Варшава, Karczunkowska 24C

У гэты дзень можна будзе бясплатна атрымаць:
👕 жаночае, мужчынскае і дзіцячае адзенне;
👟 абутак;
🛏️ пасцельную бялізну;
🛌 падушкі і коўдры;
🏠 іншыя карысныя рэчы для дома.

Калі вы ведаеце людзей, якім гэта можа быць патрэбна, калі ласка, падзяліцеся гэтай інфармацыяй.

❤️ Не словам, а справай.
Разам мы можам зрабіць яшчэ больш дабра!

📚 Нашая школа — гэта месца, дзе вучацца, развіваюцца і добра праводзяць час разам.

Для нас важна, каб у дзяцей была магчымасць атрымліваць веды і неабходную падтрымку, рыхтавацца да экзаменаў, займацца творчасцю, спрабаваць новае і знаходзіць сяброў.

Менавіта таму ў ЦБС працуюць адукацыйныя і творчыя заняткі для дзяцей і падлеткаў — ад моў і падрыхтоўкі да экзаменаў да малявання, блогінгу і бяспекі ў інтэрнэце.

Мы робім усё гэта для вас і хочам, каб наша школа заставалася месцам, куды хочацца прыходзіць 💛

Калі хочаце даведацца больш пра заняткі або далучыцца — пішыце нам у Telegram: @cbs_education

З 3 верасня 2026 года ў Польшчы пачала дзейнічаць чарговая частка зменаў у заканадаўстве, якое рэгулюе правілы кіравання транспартнымі сродкамі. Новыя нормы датычацца як вопытных кіроўцаў, так і тых, хто ўпершыню атрымлівае правы катэгорыі B.

ГАЛОЎНАЕ ЗМЯНЕННЕ ДЛЯ ВОПЫТНЫХ КІРОЎЦАЎ

Калі права кіравання было часова затрымана, але чалавек усё роўна сеў за руль у перыяд дзеяння такога рашэння, наступствы цяпер могуць быць значна больш сур'ёзнымі.

У такой сітуацыі права кіравання можа быць цалкам адклікана на 5 гадоў. Пасля заканчэння гэтага перыяду правы не аднаўляюцца аўтаматычна — для іх атрымання давядзецца зноў выканаць неабходныя патрабаванні і здаць дзяржаўны экзамен 🚘. Раней у падобнай сітуацыі тэрмін затрымання правоў мог быць падоўжаны.

ШТО ВАЖНА ВЕДАЦЬ ПАЧАТКОЎЦАМ

Для асоб, якія ўпершыню атрымалі права кіравання катэгорыі B, уводзіцца выпрабавальны тэрмін (okres próbny):

➡️ для асоб, якія атрымалі правы пасля 18 гадоў, — 2 гады;
➡️ для тых, хто атрымаў правы ва ўзросце 17 гадоў, — 3 гады, але не даўжэй чым да дасягнення 20-гадовага ўзросту.

0,0 ПРАМІЛЕ

На працягу ўсяго выпрабавальнага тэрміну для пачаткоўцаў дзейнічае прынцып поўнай цвярозасці — 0,0 праміле алкаголю.

Для астатніх кіроўцаў у Польшчы мяжа стану пасля ўжывання алкаголю пачынаецца з 0,2 праміле.

ШТРАФНЫЯ БАЛЫ

Калі падчас выпрабавальнага тэрміну кіроўца перавысіць 12 штрафных балаў (punkty karne), ён будзе абавязаны прайсці практычнае навучанне па пытаннях небяспекі ў дарожным руху.

Асабліва строгія правілы дзейнічаюць на працягу першага года пасля атрымання правоў: перавышэнне 20 штрафных балаў можа прывесці да поўнага адклікання права кіравання.

За асобныя сур'ёзныя парушэнні правілаў або злачынствы супраць бяспекі дарожнага руху наступствы падчас выпрабавальнага тэрміну таксама будуць значна больш жорсткімі.

ВАЖНА ДЛЯ 17-ГАДОВЫХ КІРОЎЦАЎ

Магчымасць атрымаць права кіравання катэгорыі B з 17 гадоў дзейнічае ў Польшчы ўжо з 3 сакавіка 2026 года.

Да дасягнення 18 гадоў такое права дазваляе кіраваць аўтамабілем толькі на тэрыторыі Польшчы.

Акрамя таго, на працягу першых 6 месяцаў пасля атрымання правоў, але не даўжэй чым да 18-годдзя, малады кіроўца павінен ездзіць у прысутнасці дарослага пасажыра, які знаходзіцца на пярэднім сядзенні.

Такі чалавек павінен:

➡️ мець не менш за 25 гадоў;
➡️ бесперапынна валодаць правамі катэгорыі B не менш за 5 гадоў;
➡️ не мець і на працягу апошніх 5 гадоў не мець забароны на кіраванне транспартнымі сродкамі;
➡️ быць цалкам цвярозым і не знаходзіцца пад уздзеяннем рэчываў, якія дзейнічаюць падобна да алкаголю.

Новыя правілы ўжо дзейнічаюць, таму раім звярнуць на іх увагу ўсім, хто кіруе аўтамабілем у Польшчы або толькі плануе атрымліваць правы.

Будзь журналістам новага пакалення. Не спазніся на новы набор «Журфака па суботах» — хутка дэдлайн!

Навучанне пройдзе ў Варшаве і Вільні. Будзеш працаваць з рэальнымі задачамі, атрымліваць зваротную сувязь ад журналістаў і ствараць матэрыялы для беларускіх рэдакцый. 

«Журфак» для цябе, калі ты:

▪️пачынаеш шлях у прафесіі;
▪️ужо працуеш, але хочаш атрымаць веды паводле сучасных заходніх журналісцкіх стандартаў;
▪️пасля пераезду хочаш вярнуцца ў прафесію або змяніць ролю ў рэдакцыі;
▪️пішаш, здымаеш, працуеш з сацсеткамі, але хочаш разумець увесь журналісцкі працэс.

Праграму распрацавала выбітная ўкраінская журналістка Каця Гарчынская, якая супрацоўнічае з The Wall Street Journal, The Financial Times, The Kyiv Post.  

Навучанне будзе працягвацца 10 суботаў.

📍У Варшаве – з 3 кастрычніка па 5 снежня. Падай заяўку да 11 верасня.
📍У Вільнюсе – з 10 кастрычніка па 12 снежня. Падай заяўку да 11 верасня.

7 верасня Цэнтру Беларускай Салідарнасці спаўняецца 6 гадоў 🎆

Шэсць гадоў — гэта ўжо не проста дата. Гэта тысячы людзей, гісторый, рашэнняў і спраў, з якіх крок за крокам складвалася гісторыя ЦБС.

Напярэдадні дня нараджэння мы хочам азірнуцца назад і паказаць, што насамрэч стаіць за гэтымі шасцю гадамі.

І пачынаем са Школы ЦБС 📚

За шэсць гадоў праз Школу прайшлі больш за 2 000 дзяцей. І гэта:

✏️ Тысячы бясплатных заняткаў і кансультацый,
✏️ адукацыйныя і творчыя праграмы,
✏️ псіхалагічная падтрымка,
✏️ дапамога дзецям са спектрам аўтызму,
✏️ падтрымка дзяцей, якія сутыкнуліся з наступствамі рэпрэсій, вымушанай міграцыі і вайны.

Але лічбы — гэта толькі частка гэтай гісторыі.

За кожнай з іх — Дзіця. Сям’я. Давер. І шэсць гадоў працы, дзякуючы якой Школа ЦБС стала месцам, куды дзеці прыходзяць вучыцца, развівацца, знаходзіць сяброў і адчуваць сябе ў бяспецы.

Сёння расказваем гісторыю Школы ЦБС — праз факты, лічбы і тое, што немагчыма вымераць статыстыкай ❤️

ПэСэ: Асобны дзякуй нашым настаўнікам і валанцёрам 🫶🏻