🇺🇸 Трамп ўзига яна Тинчлик бўйича Нобел мукофоти берилмаганидан ғазабланди
АҚШ президенти 2026 йилги Тинчлик бўйича Нобел мукофоти жанубий африкалик ҳуқуқшунос Наванетҳем Пиллайга топширилгач, Нобел қўмитасини кескин танқид қилди. Ню-Йорк штатидаги сайловолди тадбирида Трамп бу қарорни “шармандали ва уятли” деб атади ва бунинг ортидан Норвегия обрўсига умрбод доғ тушишини айтди.
"Мен яна иккита уруш Эрон ҳамда Россия-Украина урушларини ҳал қилмоқчиман ёки ғалаба қозонмоқчиман. Иккаласи ҳам шиддатли тезлик билан ривожланмоқда", – деди Трамп.
Шу билан бирга, у аллақачон саккизта урушни якунлаганини ва шунинг учун Нобел тинчлик мукофотига муносиб эканлигини даъво қилди. Трамп бу урушлар орасида Ҳиндистон ва Покистон, Исроил ва Эрон, Арманистон ва Озарбойжон, Исроил ва ҲАМАС ўртасидаги қуролли зиддиятларни санаб ўтди.
Оқ уй раҳбари Нобел қўмитасини демократияга қарши чиқувчи “радикал мафкурачилар” таъсири остида қолганликда айблади. Трамп Пиллай ҳақида у тўғрисида ҳеч қачон эшитмаганини айтиб, уни “БМТнинг либерал вакили” деб атади.
Трампнинг чиқиши Ню-Йорк губернаторлигига республикачи номзод Брюс Блейкманни қўллаб-қувватлаш митингида бўлиб ўтди. Бироқ, сайловолди ташвиқоти ўрнига, президент ўз нутқининг катта қисмини Нобел қўмитасидан хафагарчилигига ва сиёсий рақибларига қилинган ҳужумларга бағишлади.
🔥 @burchakostida
Post #82168
18.3K
23.5° бурчак остида 🇺🇸 Халқаро жиноий суднинг собиқ судяси Тинчлик бўйича Нобел мукофотини олганидан бир неча соат ўтиб, АҚШ ушбу судга қарши санкциялар киритди. Трамп икки йилдан бери ушбу мукофотни олишга уриниб келаётган эди Оммавий ахборот воситаларининг қайд этишича, ушбу…