Соңгы 2,5 елда Германиядә татарларга сыену турында 155 карар чыгарганнар

Аларның якынча 10ына гына уңай җавап булган
 
Германиянең Миграция һәм качаклар мәсьәләләре федераль идарәсе (BAMF) мәгълүматына күрә,

🔻2024 елда Русиядән килгән һәм үз милләтен татар дип күрсәткән кешеләрнең сыену турындагы эшләре нигезендә 54,
🔻2025 елда — 69,
🔻ә 2026 елның беренче тугыз аенда 32 карар чыгарылган.

Бу хакта идарәнең Германиядә сыену сораучы активист Раушан Гыйззәтуллин эше турында Азатлык Радиосына җавабында әйтелә.

Чыгарылган карарларның күпмесе уңай булган соң?

2024 елда сыену бирүнең гомуми күрсәткече 5,6%, 2025 елда — 7,2%, ә 2026 елның 30 сентябренә кадәр 3,1% тәшкил иткән. Якынча бу һәр елны 1-5 кеше дигән сүз. Төгәл саннар бирелмәгән.

Моннан тыш, карарларның кайсы елда чыгарылуы мөрәҗәгатьнең дә шул елда тапшырылуын аңлатмый.
BAMF шулай ук татар милли хәрәкәтләрендә катнашуы өчен эзәрлекләнү сәбәпле сыену сораучылар санын аерым исәпкә алмавын белдергән.

▪️Раушан Гыйззәтуллин тарихын 👉 монда укый аласыз.