Татар теле – Сбербанк чатында иң популяр милли тел

2026 елның өченче кварталында кулланучылар SberBank Online хезмәте белән 90нан артык телдә аралашкан. Июльдән сентябрьгә кадәр кулланучылар чат хезмәте аша 35,8 миллионнан артык хәбәр җибәргән.

Чатта кулланылучы Русия телләре арасында татар теле – иң алдынгы тел. Ул милли телләрдәге сөйләшүләрнең 84 проценттан артыгын тәшкил иткән.

Төп бишлектә шулай ук башкорт, чуаш, бурят, адыгей телләре бар.

Сбербанкның чатында милли телләр белән аралашу нейрочелтәр ярдәмендә оештырылган: кулланучы банкка үзенә уңай телдә мөрәҗәгать итә, операторга исә бу мөрәҗәгать GigaChat нейрочелтәре аша урыс телендә килә. Операторның җавабы да автоматик рәвештә тәрҗемә ителә.

Шул ук вакытта чатта фентези телләрен кулланучылар да булуы кызык – бу өч ай эчендә эльф телләрендә йөзләп мөрәҗәгать алынган.

@azatliqradiosi