Аԥштәқәа 🎨

Аԥсшәаҿы аԥштәқәа рыхьӡқәа даара аинтерес рыҵоуп, иагьырацәоуп. Ихадарақәоу зегьы иаҳдыруеит, рылҿиаақәа акрыҟоуп, иаҳзеидкылаз абар:

⚪️ А́шкәакәа

Аҟәа́ш, аҟәа́шкакара, апа́шә – белоснежный

⚫️ А́иқәаҵәа

А́иқәаҵәасамсал, а́иқәаҵәамлаҳ – черный как смоль
Аиқәаҵәҳа́ҳара, а́лаҳәхӡеиԥш е́иқәаҵәоу – черный-пречерный, вороной

🔘 А́хәа

А́хәаԥштәы, ацры́ш – серый
Ацәы́ш – светло-серый
Атсаԥшшәахәы́ра – темно-серый (свинцовый)

🟤 Аҩа́бжьа

Ацәышәшәы́, ахьаԥшшәы – бурый, коричневый

🔴 А́ҟаԥшь

Аҟаԥшьы́уаркалеи, аҟаԥшьҳа́ҳара, аҟаԥшьхәы́хәара – ярко-красный
Аҟаԥшье́иқәа, аҟаԥшьы́хәҵәа, ауарце́и – пурпурный
Аҩа́бџьа – медно-красный
Ацәаԥшь, ацәыҟаԥшь – светло-красный; розоватый
Ауардԥшшәа́ла – розовый

🟠 Апатырқа́лԥшшәы

Аԥшь – рыжий

🟡 Аҩе́жь

Аҩе́жьҟанҭалеи, аҩе́жьҟаҟара – ярко-желтый, канареечный
Ацәҩе́жь – светло-желтый
Ахҩе́жьаа – кремовый, телесный

🟢 А́иаҵәа, ашьа́цԥшшәы

Аиаҵәҟа́ҟара – ярко-зеленый
Ацәы́еҵәа – светло-зеленый, зеленоватый

🔵 А́иаҵәа, аҷы́хә

Жәҩангәыԥштәы́ – голубой, лазурный, лазоревый
А́жәҩанԥштәы – синий

🟣Адәыкры́нԥшшәы – фиолетовый

"Аиаҵәа" ашьацԥштәи ажәҩанԥштәи аанарԥшуеит, уи агьџьашьатәӡам, дара спектрла еизааигәоуп. Аха аԥсшәаҿы иҟоуп ажәҩанԥштәазы даҽа лексемакгьы – аҷы́хә. Абаза бызшәа иалоуп ари ажәа, убас адыга бызшәақәагьы – щIыхә.

Ари ажәа -р анацла – аҷры́хә ҳауит (пестрый) – иӷраҷкәынӡа, ихәыҵԥхаауа аԥштәазы. "Пестрый" аԥсшәаҿы аҳәашьақәа рацәоуп, аԥшшәеилаҵашьа зеиԥшроу еиԥш.

Аҷры́хә – рябой; бледно-синий, светло-серый (на ограниченной поверхности); пестрый с проседью
Аҷы́ӷра – ярко-красный пестрый
Аӷары́ӷаҭәа – слишком пестрый, некрасивый
А́ӷра – пегий
А́илыӷраа, аӷраҷкәы́н, аҭӷы́нҷаа – пестрый

🔸Аӷары́ӷаҭәа рҳәоит абжьхәанча азыҳәангьы (сиплый хриплый голос). Доус иашәа ӷарыӷаҭәа ҿырпынбжьушәа иаҳауеит (ажәаԥҟа).

🔸А́ӷра аҩбатәи аҵакы – ауаҩы хәымга (злой недобрый человек). Ҩнуҵҟала уӷразар, аҩсҭаа уирыцқьоит (ажәаԥҟа). Абраскьыл аблагәыӷрақәа анихыр иҭахын, рымшьҭа цәгьоуп ҳәа.

Афото: Ольга Брендель лсахьақәа руак

🧡 Ахьыуардын шәақәтәа