‼️‼️‼️
IEA rasmiy saytida O‘zbekistonning a’zolikka qabul qilingani e’lon qilindi

Ta’limdagi yutuqlarni baholash xalqaro assotsiatsiyasi (IEA) o‘zining rasmiy veb-saytida A. Avloniy nomidagi pedagogik mahorat milliy instituti IEA Bosh Assambleyasiga a’zolikka qabul qilingani haqida xabar e’lon qildi.

Xabarda Polshaning Varshava shahrida o‘tkazilayotgan IEA Bosh Assambleyasining 67-sessiyasida Institutning a’zoligi tasdiqlangani qayd etilgan.

Shuningdek, O‘zbekistonning 2021-yildan buyon PIRLS, TIMSS va REDS xalqaro tadqiqotlaridagi faol ishtiroki hamda tashkilot faoliyatiga qo‘shib kelayotgan hissasi alohida e’tirof etilgan.

IEA ijrochi direktori doktor Dirk Hastedt O‘zbekistonning a’zolikka qabul qilinishi munosabati bilan quyidagi fikrlarni bildirdi:

“O‘zbekistonni IEA a’zosi sifatida qutlashdan mamnunman. O‘zbekiston yillar davomida PIRLS, TIMSS va REDS kabi tadqiqotlarda ishtirok etib, faoliyatimizga muhim va salmoqli hissa qo‘shib kelmoqda. Ushbu hamkorlikni yanada rivojlantirishni hamda Institutning IEA a’zosi sifatidagi faol ishtiroki davom etishini intiqlik bilan kutaman”.

Bundan tashqari, IEAning rasmiy a’zolar ro‘yxatiga O‘zbekiston nomidan A. Avloniy nomidagi pedagogik mahorat milliy instituti kiritilib, Bosh Assambleyadagi vakil sifatida Institut rektori Abduvali Ismailov ko‘rsatilgan.

🩵IEA rasmiy xabari:(https://www.iea.nl/news-events/news/new-iea-member-uzbekistan)

👍🌍🌍🌍🌍🌍🌍

💬Institut rasmiy sahifalarini kuzatib boring

📱Telegram | 📒Facebook
📹YouTube |  🌐Instagram