🔽У «экстрэмісцкі спіс» на сайце МУС уключылі віцябляніна, асуджанага за абразу Лукашэнкі і распальванне варажнечы

Георгі Станіслававіч Парахонька – 21-гадовы ураджэнец Віцебска. Абласны суд прызнаў яго вінаватым паводле ч.1 арт. 368 і ч.1 арт. 130 КК РБ.

Найхутчэй, хлопца асудзілі да «хатняй хіміі», бо ў пераліку «асобаў, датычных да экстрэмісцкай дзейнасці» , на сайце МУС пазначана «судзімасць не пагашана». І падобна, што малады чалавек выдаліў усе свае акаўнты ў сацсетках, дзе яго можна было б пазнаць.