🔴 O‘zbekiston Standartlar institutida IQNet xalqaro tarmog‘iga a’zolik talablari doirasida navbatdagi muhim audit jarayoni bo‘lib o‘tmoqda.
Mazkur nufuzli tadbirni IQNet Direktorlar kengashi vitse-prezidenti, O‘zaro baholash va a’zolik bo‘yicha doimiy qo‘mita raisi Aykut Kırbaş olib bormoqda.
🔵Audit jarayonida Institutning avvalgi o‘rganishlar natijalari, aniqlangan kamchiliklarni bartaraf etish bo‘yicha amalga oshirilgan tizimli ishlar hamda belgilangan vazifalarning ijrosi atroflicha ko‘rib chiqilmoqda.
Shuningdek, ekspertlar tomonidan Institut faoliyatini IQNet talablari va ilg‘or xalqaro amaliyotga yanada uyg‘unlashtirish, sertifikatlashtirish xizmatlari sifatini yangi bosqichga ko‘tarish va xalqaro hamkorlikni kengaytirish bo‘yicha muhim tavsiyalar berilmoqda.
🩷Eslatib o‘tamiz, O‘zbekiston Standartlar instituti:
2024-yil dekabr oyida — IQNet xalqaro tarmog‘ining “Affiliated Member” (Assotsiatsiyalangan a’zo);
2026-yilda — “Associated Member” (Hamkor a’zo) maqomiga ega bo‘lgan.
Ushbu maqom O‘zbekistonda muvofiqlikni baholash va sertifikatlashtirish sohasida xalqaro hamkorlikni rivojlantirish, ilg‘or tajribalarni samarali joriy etish hamda milliy sertifikatlashtirish tizimining xalqaro maydondagi ishonchliligini mustahkamlashda muhim ahamiyat kasb etadi.
Ma’lumot uchun:
IQNet — 1990-yilda tashkil etilgan bo‘lib, bosh qarorgohi Shveytsariyaning Bern shahrida joylashgan dunyodagi eng yirik xalqaro sertifikatlashtirish tarmog‘idir. Bugungi kunda u 34 ta mamlakatdagi 36 ta sertifikatlashtirish organi va 365 ta ofisni o‘z atrofiga birlashtiradi. IQNet a’zolari tomonidan dunyo bo‘ylab 360 mingdan ortiq amaldagi sertifikatlar berilgan.
🟡O‘tkazilayotgan audit yakunlari O‘zbekiston Standartlar institutining IQNet doirasidagi faoliyatini yanada rivojlantirish va xalqaro talablarga to‘liq muvofiqligini mustahkamlashga qaratilgan navbatdagi amaliy chora-tadbirlarni belgilashga xizmat qiladi.
🌐 standart.uz | 😎 Facebook | 😎Instagram | 😎YouTube