Migratsiya agentligi

🇺🇿🇮🇱 Исроилда ўзбекистонликлар учун янги иш йўналишлари муҳокама қилинди

🤝 Миграция агентлиги раҳбари Беҳзод Мусаев Исроилнинг Ўзбекистондаги Фавқулодда ва Мухтор Элчиси Гидеон Лустиг билан учрашди.

Мулоқотда
ҳамюртларимизни Исроилга ташкиллаштирилган тарзда ишга жойлаштириш кўламини кенгайтириш, танлов жараёнларини такомиллаштириш ва номзодлар харажатларини камайтириш масалалари кўриб чиқилди.

Исроил томони ўзбекистонлик ходимларни қурилиш ва парваришлаш соҳаларидаги фаолиятини ижобий баҳолаб, қишлоқ хўжалиги, тиббий ёрдам ва техник касблар бўйича ҳам ҳамкорлик имкониятлари мавжудлигини билдирди.

Шунингдек, Исроил Аҳоли ва иммиграция бошқармаси (PIBA) раҳбарининг Ўзбекистонга ташрифини ташкил этишга келишилди.

📢 Хабарни тарқатинг!
👉 @uzmigration

📌📌📌📌📌

🇰🇷 Ваколатхонанинг бир куни

📌 Миграция агентлигининг Жанубий Кореядаги ваколатхона ходимлари юртдошларимиз мурожаатларини нафақат қабулхонада, балки бевосита иш ва яшаш жойларига чиққан ҳолда ҳам ўрганмоқда.

Эртага Улсан шаҳридаги “Hyundai” кемасозлик заводида меҳнат қилаётган ҳамюртларимиз билан учрашув ўтказилиб, уларнинг мурожаатлари, иш ва яшаш шароитлари ўрганилади. Аниқланган масалаларни жойида ҳал этиш, зарур ҳолларда эса тегишли ташкилотлар билан ҳамкорликда амалий ечим топиш чоралари кўрилади.

🎥 Батафсил — репортажимизда.

📢 Хабарни тарқатинг!
👉 @uzmigration

🇺🇿 Ноқонуний миграцияга қарши янги қонун лойиҳаси

📌 Миграция агентлиги томонидан ноқонуний миграцияга қарши курашишга қаратилган янги қонун лойиҳаси таклиф қилинмоқда.

⚖️ Лойиҳада ноқонуний миграцияни ташкил этиш, унга раҳбарлик қилиш ёки кўмаклашганлик учун жиноий жавобгарлик белгилаш таклиф этилмоқда.

Лойиҳага кўра, жиноятнинг оғирлиги ва содир этилиш ҳолатларига қараб 3 йилдан 15 йилгача озодликдан маҳрум қилиш жазоси белгиланиши мумкин.

🎯 Мазкур ташаббуснинг асосий мақсади — ҳамюртларимизни ноқонуний миграция билан боғлиқ жиноий схемалардан ҳимоя қилиш ва миграция жараёнлари хавфсизлигини таъминлаш.

💬 Энг муҳими — сиз ҳам ўз фикрингизни билдиришингиз мумкин!

🗓 Қонун лойиҳаси жорий йил 8 сентябрга қадар жамоатчилик муҳокамасида бўлади.

👇 Ҳаволага кириб, лойиҳа билан танишинг, ўз таклифингизни қолдиринг ёки овоз беринг:

👉 Қонун лойиҳаси билан танишиш ва фикр билдириш 👈

📢 Хабарни тарқатинг!
👉 @uzmigration

🇺🇿🇩🇪 Ўзбекистон–Германия: ҳамкорликда янги қадам

🤝 Миграция агентлиги раҳбари Беҳзод Мусаев Германия Федератив Республикасининг Ўзбекистондаги янги тайинланган Фавқулодда ва Мухтор Элчиси Mattias Follert билан учрашди.

Унда ҳамюртларимизни Германияда ташкиллаштирилган тартибда ишга жойлаштириш, касбий тайёргарлик ва немис тилини ўрганиш масалалари муҳокама қилинди.

💼 Германияда ҳамширалар, ҳайдовчилар, меҳмонхона-ресторан соҳаси ва техник касб эгаларига талаб юқори экани қайд этилди.

Ўзбекистон томони Германия иш берувчиларининг эҳтиёжларига мос кадрлар тайёрлаш дастурларини кенгайтиришга тайёрлигини билдирди.

📌 Томонлар виза расмийлаштириш жараёнларини тезлаштириш, Германиядан янги иш берувчилар ва таълим ташкилотларини ҳамкорликка жалб қилиш масалалари келишиб олинди.

📢 Хабарни тарқатинг!
👉 @uzmigration

🎌🎌 Хорижда ишлаш сари биринчи қадам — тил ва касб!

Япон тилини умуман билмасдан ўқишни бошлаб, қисқа вақт ичида JFT халқаро имтиҳонидан 244 балл тўплаш — ҳаракат ва тўғри тайёргарлик натижаси.

Бугун хорижда кафолатланган иш ўринларига жойлашишнинг энг муҳим мезонларидан бири — хорижий тил ва касбий кўникма.

Бепул тил ва касбга ўқитиш дастурларидан фойдаланиш, ўз устида ишлаш ва халқаро талабларга мос малака эгаллаш — хорижда муносиб иш топиш имкониятини сезиларли оширади.

🎥 Видеодаги қаҳрамонимиз ҳам йўлни нолдан бошлаган. Бугун эса у ўз фикрларини япон тилида эркин баён қилиб, халқаро имтиҳондан юқори натижа кўрсатмоқда.

🇯🇵 Японияда ошпазлик, ҳайдовчилик ёки парваришлаш соҳаларида ишлаш сизга ҳам қизиқ бўлса — имконият бор. Фойдаланинг ва тайёргарликни бугундан бошланг.

Ариза қолдириш учун батафсил 👈 сўзини устига босинг

📢 Хабарни тарқатинг!
👉 @uzmigration

🇺🇿 Ватанга қайтишга имкониятингиз йўқми? Биз билан боғланинг

Россия Федерацияси ҳудудида ишлаш даврида оғир молиявий аҳвол ёки бошқа мураккаб вазиятлар сабаб Ўзбекистонга қайтиш имкониятига эга бўлмаган юртдошларимиз Миграция агентлигининг Россия Федерациясидаги ваколатхонасига мурожаат қилишлари мумкин.

⚡️ Ваколатхона ва ҳудудий вакиллар туну кун — 24/7 режимда ишламоқда.

Ҳар бир ҳолат индивидуал ўрганилиб, зарур амалий ёрдам кўрсатилади.

✈️ Ватанга қайтиш учун белгиланган тартибда транспорт харажатлари қоплаб берилади.

📞 КОЛЛ-МАРКАЗ — 24/7
+7 (499) 230-00-32
+7 (499) 230-00-76

☎️ ИШОНЧ ТЕЛЕФОНИ — 24/7
+7 (925) 045-47-44

📍 ҲУДУДИЙ ВАКИЛЛАР — 24/7

Санкт-Петербург
+7 (951) 680-95-97
+7 (965) 772-70-79

Екатеринбург
+7 (936) 251-76-21
+7 (922) 186-35-66

Самара
+7 (925) 750-87-57

Новосибирск
+7 (925) 743-89-03
+7 (932) 327-00-04

Краснодар
+7 (918) 173-00-09

Владивосток
+7 (964) 431-16-16

📌 Агар сиз ёки Россияда бўлиб турган яқинларингиз Ватанга қайтишда молиявий ёки бошқа жиддий қийинчиликка дуч келган бўлса, ёрдам сўрашни кечиктирманг.

🇺🇿 Биз билан боғланинг — сизга ёрдам беришга тайёрмиз!

📢 Хабарни тарқатинг!
👉 @uzmigration

⚡️ Мурожаат тезкор назоратга олинди — ҳамюртимиз фарзандлари билан Ватанда 🇺🇿

📱Икки кун аввал ижтимоий тармоқ орқали Россияда фарзандларининг ҳужжатлари билан боғлиқ муаммо сабаб Ватанга қайтишда қийинчиликка дуч келган ҳамюртимиз ёрдам сўраб мурожаат қилган эди.

Вазият Миграция агентлиги томонидан тезкор назоратга олинди ва зарур амалий ёрдам кўрсатилди.

✈️ Натижада она фарзандлари билан Ўзбекистонга қайтиб келди.

📌 Хорижда бўлган вақтингизда ўзингиз ва фарзандларингизнинг ҳужжатларига эътиборли бўлинг. Муаммо юзага келса, ўша давлатдаги Ўзбекистоннинг консуллик муассасалари ёки Миграция агентлигига мурожаат қилинг.

☎️ 1282 — Миграция агентлиги қисқа рақами.

📢 Хабарни тарқатинг!
👉 @uzmigration

#story_telling

🇬🇧 Рақамлар ортидаги бир ҳикоя: оддий ишчидан менежергача

Сўнгги йилларда Буюк Британия ўзбекистонликлар учун хорижда меҳнат қилишнинг муҳим йўналишларидан бирига айланмоқда.

📊 Буюк Британиядан Ўзбекистонга келиб тушган жами пул ўтказмалари:

— 2024 йилда — 135,2 млн доллар;
— 2025 йилда — 98,4 млн доллар;
— 2026 йилнинг 7 ойида — 163,7 млн доллар.

Бу рақамлар ортида эса инсонлар, уларнинг ҳаракати ва ўзгарган ҳаёт йўли бор.

Шундай ҳикоялардан бири — андижонлик Шоҳжаҳонники.

У Миграция агентлиги орқали Буюк Британияга мавсумий дастур асосида оддий ходим сифатида борган эди. Интизоми, масъулияти ва ўзини кўрсата олгани туфайли бугун ўша хўжаликда менежерлик даражасигача кўтарилган.

Мавсумий бандликнинг ўзига хослиги ҳам шунда — йиллаб Ватандан узоқда қолиш шарт эмас. Бир неча ой хорижда, кейин яна оила бағрида. Ўзини яхши кўрсатганлар учун эса кейинги мавсум — янги имконият ва янги босқич.

📢 Хабарни тарқатинг!
👉 @uzmigration

🌍 ХОРИЖДА ИШЛАШДАН ОЛДИН 5 МУҲИМ ҚАДАМ

1️⃣ Меҳнат шартномангизни текширинг — иш ҳақи, иш вақти ва бошқа шартлар аниқ кўрсатилган бўлсин.

2️⃣ Виза ва ҳужжатларингизни текширинг — визангиз сизга қандай ҳуқуқ беришини билинг.

3️⃣ Иш ҳақи ва меҳнат шартларини солиштиринг — ваъда қилинган шартлар шартномага мос келсин.

4️⃣ Воситачини текширинг — расмий фаолият юритиш ҳуқуқига эга бўлмаган шахсларга пул тўламанг.

5️⃣ Муаммо юзага келса, қаерга мурожаат қилишни билинг:

📞 1282 — Миграция агентлигининг қисқа рақами
💬 @huquqiy_yordam_uzbot — 24/7 ҳуқуқий ёрдам

📢 Хабарни тарқатинг!
👉 @uzmigration

🇺🇿🇸🇰 Словакиялик иш берувчилар Ўзбекистонда навбатдаги саралашни ўтказди

Словакияда кара ҳайдовчиси сифатида фаолият олиб бориш учун иш берувчилар номзодларнинг назарий билим ва амалий кўникмаларини баҳоламоқда.

📊 Июль–август ойларида ўтказилган дастлабки танловларда иш берувчи билан суҳбат ва рус тили бўйича саралашда 480 нафар номзод иштирок этиб, уларнинг 323 нафари амалий имтиҳонларга жалб қилинди.

📌 Танловдан муваффақиятли ўтган номзодларга Словакияда 1100 евро соф иш ҳақи, ётоқхона, ижтимоий пакет ҳамда иш берувчи билан тўғридан-тўғри меҳнат шартномаси таклиф этилмоқда.

Ҳамкорликни янада кенгайтириш имкониятлари ҳам кўриб чиқилмоқда. Словакия меҳнат бозорида тиббиёт ходимлари, ўрта тиббий персонал, қурувчилар, пайвандчилар ва электрикларга ҳам талаб юқори.

🎥 Словакиялик иш берувчининг Ўзбекистонда номзодларни тайёрлаш тизими, саралаш иштирокчилари ва ҳамкорлик истиқболлари ҳақидаги фикрлари — видеода.

📢 Хабарни тарқатинг!
👉 @uzmigration

🎶 «Ватан садоси»: ижод намуналари баҳоланмоқда

Хорижда меҳнат қилаётган ҳамюртларимиз ва ватандошлар ўртасида ўтказилаётган «Ватан садоси» кўрик-танловига жами 98 та ариза келиб тушди.

Маданият вазирлигининг махсус комиссияси томонидан 86 нафар иштирокчининг қўшиқчилик ва миллий чолғу ижрочилиги йўналишларидаги ижод намуналари кўриб чиқилиб, белгиланган мезонлар асосида баҳоланмоқда.

Қолган 12 нафар ариза берувчи айни пайтда Ўзбекистон ҳудудида бўлгани сабабли, танловнинг хориждаги юртдошлар учун белгиланган асосий талабларига мувофиқ саралаш босқичида иштирок этмади.

🏆 Энг муносиб иштирокчилар икта йўналишда қуйидаги пул мукофотлари билан тақдирланади:

🥇 1-ўрин — 100 миллион сўм

🥈 2-ўрин — 80 миллион сўм

🥉 3-ўрин — 50 миллион сўм

🇺🇿Ғолиблар Ўзбекистон Республикаси Мустақиллигининг 35 йиллиги байрами арафасида тантанали равишда эълон қилинади.

📢 Хабарни тарқатинг!
👉 @uzmigration

Хорижда ишлаётган аёллар учун муҳим маълумот!

Хорижда ишлаш даврида мураккаб вазиятга тушиб қолган хотин-қизлар Миграция агентлигидан 9 йўналиш бўйича амалий ёрдам олиши мумкин.

Ватанга қайтиш, тиббий ва ҳуқуқий ёрдам, вақтинчалик турар жой, ҳужжатларни тиклаш, иш ҳақи ва компенсацияларни ундириш — зарур вазиятда қандай ёрдам олиш мумкинлигини битта инфографикада жамладик.

📌 Инфографикани сақлаб қўйинг ва хорижда ишлаётган опа-сингилларимизга ҳам юборинг. Бу маълумот кимгадир айни керакли пайтда ёрдам бериши мумкин.

📞 Миграция агентлиги: 1282 — 24/7
✈️ Тезкор ҳуқуқий ёрдам: @huquqiy_yordam_uzbot

👉 @uzmigration

💔Қўрқманг. Ёрдам сўраш — заифлик эмас

Агар сиз хорижда ишлаш даврингизда зўравонлик, мажбурий меҳнат, таҳқирланиш ёки оғир молиявий аҳволга дуч келган бўлсангиз — ёлғиз эмассиз.

🇺🇿 Сизнинг ҳаётингиз, шаънингиз ва ҳуқуқларингиз давлат ҳимоясида.

🏢 Миграция агентлигининг хорижий ваколатхоналари билан боғланинг.

📞 Қисқа рақам: 1282
💬 Telegram бот: @huquqiy_yordam_uzbot — 24/7 режимда осон ва тез.

🏛 Ўзбекистон Республикасининг дипломатик ваколатхоналари ва консуллик муассасалари маълумотлари бу ерда .

📢 Илтимос, видеони хорижда ишлаётган яқинларингизга юбориб қўйинг.
Бир хабар — бир ҳаётни асраши мумкин.

👉 Сўнгги янгиликлар учун — @uzmigration

🔴 LIVE

Кореядан меҳнат шартномалари келди: номзодларнинг ҳужжатлари расмийлаштирилмоқда

🇰🇷 Корея Республикасида E-9 визаси асосида ишлаш учун ушбу мамлакатнинг SPAS электрон базасида маавжуд номодларга йилнинг учинчи танлови айни кунларда давом этмоқда.

Танловнинг 5–11 август кунлари ўтказилган босқичи якунларига кўра, кореялик иш берувчилар томонидан танланган ҳамюртларимизга меҳнат шартномалари келди.

📄 Жумладан:

🏭 ишлаб чиқариш соҳасида — 213 та;
🛎 хизмат кўрсатиш соҳасида — 11 та;
🏗 қурилиш соҳасида — 2 та меҳнат шартномаси.

Айни пайтда Кореяга ишга кетиши учун зарур ҳужжатларни расмийлаштириш жараёни кетмоқда.

📌 Шу билан бирга, 12–19 август кунлари қишлоқ хўжалиги, ўрмончилик, хизмат кўрсатиш, балиқчилик ва қурилиш соҳалари бўйича номзодларни иш берувчилар томонидан танлаш жараёни давом этяпти.

🇺🇿🤝🇰🇷 Танлов натижалари ва навбатдаги меҳнат шартномалари бўйича янгиликларни кузатиб боринг.

Эслатиб ўтамиз Жанубий Корея Е9 визаси асосида 17 та хорижий давлатга иш ўрни ажратади.

📢 Хабарни тарқатинг!
👉 @uzmigration

🇺🇿 «Ватан садоси»: ижодий ишлар тайёр, энди сўз — ҳакамларда!

Миграция агентлиги томонидан эълон қилинган «Ватан садоси» кўрик-танлови доирасида иштирокчилардан ижодий ишлар қабул қилиш жараёни якунланди.

🎬 Ватанга муҳаббат, соғинч ва миллий қадриятлар акс этган ижодий ишлардан айрим лавҳаларни ушбу видеода жамладик.

Барча иштирокчиларнинг ишлари ғолибларни аниқлаш учун Маданият вазирлигининг махсус комиссиясига тақдим этилди.

🏆 Комиссиянинг якуний хулосасига кўра, ғолиблар Ўзбекистон Республикаси давлат мустақиллигининг 35 йиллик байрами арафасида эълон қилинади.

Кимлар ғолиб бўлади? Кузатишда давом этинг!

📢 Хабарни тарқатинг!
👉 @uzmigration