Жамбыл облысындағы Жуалы ауданында "Қауіпсіз үй" шарасы аясында түнгі рейдтер өтті

Жамбыл облысы Жуалы ауданында 5 қазан мен 5 қараша аралығында өтіп жатқан "Қауіпсіз үй" республикалық профилактикалық іс-шарасы аясында түнгі рейдтер ұйымдастырылды. Пробация, отбасы-тұрмыстық зорлық-зомбылыққа қарсы күрес бөлімшелерінің инспекторлары және әлеуметтік орталықтардың мамандары қатысқан шара барысында тұрмысы қолайсыз отбасылар мен пробация есебіндегі азаматтардың тұрғылықты жерлері тексерілді. Тексеру кезінде мұқтаж азаматтарға "FSM Social" қосымшасы арқылы жолдамалар рәсімделіп, нәтижелері цифрлық жүйелерге енгізілді.