Павлодар облысында 7 ұрлық жасаған компьютерлік клубтың бұрынғы қызметкері пробация есебіне алынды

Павлодар облысында компьютерлік клубтың операторы болып жұмыс істеген азамат техниканың құрылысын білуін пайдаланып, компьютерлерден жедел жад модульдерін бірнеше рет жасырын түрде ұрлаған. Клубқа 1,8 миллион теңгеден астам залал келтірген 7 ұрлық дерегі әшкереленіп, сот шешімімен оған 1 жыл 4 ай мерзімге бас бостандығын шектеу жазасы тағайындалды және ол Аққулы ауданының пробация қызметінің есебіне алынды.